Mattiu 8:34 - Tedim Bible

³⁴ Tua ciangin, khuazangin Zeisu dawn dingin a kuankhia uh a, Zeisu a muh uh ciangin, “Ko gam pan taikhia in,” ci-in a thuum uh hi.

Tedim Bible Revision 2017

³⁴ Tua ciangin khua sung mi khempeuh, Jesu kiangah hong pai-in amah a muh uh ciangin, amau gam panin a paikhiat nadingin a thum uh hi.

Mattiu 8:34 Referans Kwoze

Sawltak 16:39

amaute mah hong pai uh a, thuumin a lakkhiat khit uh ciangin khua sung pan a paikhiat nading a ngen uh hi.

Luka 5:8

Simon Piter in a muh ciangin Zeisu khuk kiangah bokin, “Topa aw, mawhnei mi ka hih ciangin ka kiang pan paikhia in,” a ci hi.

JOB (Job) 21:14

Migilote in Pasian nawlkhin uh a, Pasian in amau’ nuntak nadingin a deihsaknate thei nuam lo uh hi.

JOB (Job) 22:17

Hih mite pen Pasian a nial, Pasian in amaute bangmah a cih thei lo dinga a ki-umte ahi uh hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.

Luka 8:28

Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

1 KUMPI MASATE 18:17

Ahab in Elijah a muh ciangin, ama kiangah, “Nang in Israel mite a lungkhamsakpa na hi hiam?” a ci hi.

1 SAMUEL MASA 16:4

Topa’ thupiak bangin Samuel gamta-in Bethlehem ah pai hi. Tua khuapi upate a liingsa-in amah dawn dingin hong pai uh a, “Thu hoih a, hong pai na hi hiam?” a ci uh hi.

Thu-hilhkikna 5:25

Tua ahih ciangin bang hangin tu-in eite si ding i hi hiam? Hih mei lianpi in eite hong kangtum ding hi; Topa i Pasian’ awging za lai lehang eite i si ding hi.

Amos 7:12

Tua ciangin Amaziah in Amos kiangah, “Kamsanga kineipa aw, na Judah gamah ciah in la, tua lai-ah na nuntak nading nasemin, thu va gen gen in.