Mattiu 7:28 - Tedim Bible

²⁸ Hih bangin Zeisu in thu khempeuh a hilh khit ciangin, mihonpite in Topa’ thuhilhna lamdang a sa uh hi.

Tedim Bible Revision 2017

²⁸ Jesu in hih a thugente a man khit ciangin, ama thugenna hangin mihonpite in lamdang sa mahmah uh hi.

Mattiu 7:28 Referans Kwoze

Luka 4:32

Amaute in ama thuhilhna lamdang a sa uh hi. Bang hang hiam i cih leh, amah in ukpa bangin thu a hilh hi.

Marka 1:22

Amaute in ama thuhilhna lamdang a sa uh hi. Bang hang hiam i cih leh, amah in laitheite bangin a hilh kei hi, ukpa bangin thu a hilh hi.

Johan 7:46

Palikte in, “Tua pa’ hilh bangin kuamah in a hilh ngei kei hi,” a ci uh hi.

Marka 6:2

Nipi ni a tun’ ciangin kikhopna innah thu a hilh hi. Mi tampite in a thu a zak uh ciangin, lamdang a sa uh hi. “Hih pa in hih thute koi pan a ngah hiam? Hih pa kipia pilna in bang pilna ahi hiam? Ama khut tawh hihzah tak nalamdangte bangci a bawl thei hiam?

Luka 4:22

Mi khempeuhte in Zeisu thu mang uh a, ama kam sung pan a paikhia lungsim phawn’sakna thu, lamdang a sa uh a, “Hih pa in Josef tapa hilo ahi hiam?” a ci uh hi.

Johan 7:15

Tua ahih ciangin Judah mite in, “Hih mi in laisim ngei lo napi-in bangci lai a thei hiam?” ci-in lamdang a sa uh hi.

Mattiu 22:33

Mihonte in tua thu a zak uh ciangin a thuhilhna lamdang a sa uh hi.

Luka 19:48

Ahih hangin mite in ama thu ngai-in beel uh ahih ciangin amah thah nading thu a mu zo kei uh hi.

Marka 11:18

Siampi liante leh laitheite in a zak uh ciangin, Zeisu thah nading thu a zong uh hi. Bang hang hiam i cih leh, mihonpite khempeuh in Zeisu’ thuhilhna lamdangsa mahmah uh ahih ciangin, amaute in amah a kihta uh hi.

Mattiu 26:1

Zeisu in tua thu khempeuh a hilh khit ciangin a nungzuite kiangah,

Mattiu 11:1

Zeisu in a nungzui sawm leh nihte tua bangin a vaikhak khit ciangin, khua sungah thu gen ding, thu hilh dingin tua mun pan a paikhia hi.

Late 45:2

Mihing’ tate lakah nangmah na hoihpen a, thugen siamin na kam khum zungzung hi; tua ahih ciangin Pasian in nang thupha hong pia tawntung hi.

Mattiu 19:1

Tua thu Zeisu in a hilh khit ciangin, Galile gam panin pai a, Judah gam Jordan gun gal khatah a tung hi.

Mattiu 7:27

Guah tampi zu a, tui luang a, huihpi nung a, tua inn a mut ciangin, sehnel tungah kilam ahih maninah a puk hi. Tua pukna in pukna lian ahi hi,” ci-in Zeisu in a hilh hi.

Mattiu 7:29

Bang hang hiam i cih leh, amah in laitheite bangin a hilh kei hi, ukpa bangin thu a hilh hi.

Luka 2:47

Ama thu a za khempeuhte in a pilna leh a dawn’ kiknate lamdang a sa uh hi.

Luka 7:1

Zeisu in thu khempeuh mihonpite zak dingin a hilh khit ciangin, Kapernaum khua-ah a lut hi.