Mattiu 7:21 - Tedim Bible

²¹ “Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Tedim Bible Revision 2017

²¹ “Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Mattiu 7:21 Referans Kwoze

ROM (Romans) 2:13

Bang hang hiam na cih uh leh, Thukham a zate in Pasian mai-ah dikkisakna a ngah kei ding uh hi; Thukham banga a zuite bek in dikkisakna a ngah ding uh hi.

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

Jeim 1:22

Note’ pumpi uh kikheemin thungaite bek hi kei un; thu banga gamtate na hi un.

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Hebru 4:6

Tua ahih ciangin mi kimkhat a tum theih ding uh hangin, Lungdamna Thu nidang lai-inah a za mite in a up loh manunah a tum thei kei uh a,

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Mangmuhna 3:5

A zo mi in tua bang puanpaak a silh ding hi. Ama min zong nuntakna laibu pan ka su mang ngei kei ding hi. Ama min ka Pa mai-ah ahi zongin, ka Pa’ vantungmite mai-ah ahi zongin ka gum ding hi.

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Mattiu 12:50

Bang hang hiam na cih uh leh, vantungah a om ka Pa’ deihna bangin a gamtate in, ka sanggampa, ka sanggamnu, ka nu ahi uh hi,” a ci hi.

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Mattiu 18:3

“Ke’n aman takpi kong cih-inah na kikheel uh a, hih naupangno bang na suah kei uh leh, Vantung Gam sungah na tum zo kei ding uh hi.

Johan 7:17

Mi khatpeuh mah in Pasian’ deih bangin a gamtat nop leh, hih thu Pasian’ thu ahi hiam, keima utthu banga gen ka hi hiam a thei ding hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Marka 3:35

Bang hang hiam na cih uh leh, vantung khua-ah a om ka Pa’ deihna bang a gamtate in ka sanggampa, ka sanggamnu, ka nute ahi uh hi,” a ci hi.

1 THESALONIKA MASA 5:18

Na khempeuh ah a hong hehpihna phat un. Bang hang hiam na cih uh leh, note in tua bang na bawl dingun Zeisu Khazih hangah Pasian’ deihna ahi hi.

Efesa 6:6

Mite lungnemsak mi bangin amaute mai bekah mang hi loin, Khazih’ sila bangin lungkimin Pasian’ deihna bangin mite’ nasem bang bek hi loin, Topa’ nasem bangin itna lungsim tawh na sem un.

1 PETER MASA 2:15

Bang hang hiam na cih uh leh, note in a pha na gamtat uh leh, mi haite a lungpil lohna kam na thukkik theih nadingun Pasian in tua bangin a deih hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

1 THESALONIKA MASA 4:3

Pasian’ deihna in note in numei tawh khialhna tangin na sian’tho nading uh ahi zongin,

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Luka 13:25

Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Luka 18:25

Sai khat phim vangah a khumhak sangin sumhau mite in Pasian’ Gam sungah lut nading a haksa zaw hi,” a ci hi.

Marka 9:47

Na mittang in hong puksak leh, na khelkhia in.

Mattiu 19:24

Khatvei kong cih kikinah, sai khat in phim bil vangah a khumhak sangin, sumhau mite in Pasian’ Gam sungah lut nading a haksa zaw hi,” ci-in a nungzuite kiangah a gen hi.

Mattiu 18:35

Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

Johan 15:23

Kei hong mudah mi in ka Pa zong a mudah hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Mangmuhna 2:27

kei in ka Pa kiangpan thu ka ngah bangin beel seekte in beelte a suk khap zan bangin, amah in sik ciangkhut tawh a uk ding hi.

Johan 14:7

Note in kei nong theih uh leh, ka Pa zong na thei ding uh hi, tu-a kipanin ka Pa na mu zo uh hi,” a ci hi.

Johan 5:17

Zeisu in, “Ka Pa in tudongin a sem hi; ke’n zong ka sem hi,” ci-in a dawng kik hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Mattiu 18:10

“Note in hih naupangte khatpeuh mah na simmawh loh nadingun na kikeem un.

Mattiu 18:19

Khatvei kong gen kikinah, leitungah note nih kithutuak a, thu na nget uh leh, na nget khempeuh vantung khua-ah a om ka Pa in hong pia ding hi.

Mattiu 25:10

Amaute in namgimtui lei dingin a va pai lai takun, zipipa hong tung a; a baihsa a om nungakte tawh mopina pawi sungah a lut khawm khit uh ciangin, kong a khak uh hi.