Mattiu 7:14 - Tedim Bible

¹⁴ Bang hang hiam na cih uh leh, nuntakna mun tun’ nading kong kawciik a, lam neu a, mi tawmcik a lut uh hi.”

Tedim Bible Revision 2017

¹⁴ Ahi zongin nuntak tawntungna tun nading kong kawcikin a lampi haksa a, mi tawmno bek in a zui zo uh hi.

Mattiu 7:14 Referans Kwoze

Mattiu 22:14

A kisam mite a tam hangin, a kiteel mite a tawm ding uh hi,” a ci hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Marka 8:34

Tua ciangin Zeisu in a nungzuite leh mihonpite a sap khit ciangin, “Mi khatpeuh in kei hong zuih nop leh, ama pumpi nial a, a singlamteh pua-in hong zui ta hen.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Paunak 8:20

Keimah in thuman lampi ka zui a, thutang lampi ka tawn hi.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Mattiu 20:16

Tua mah bangin, a nunungte in a masa ding uh hi. A masate in a nunung ding uh hi,” ci-in a hilh hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Luka 12:32

“Tuu honno aw, na lau kei un. Bang hang hiam na cih uh leh, na Pa un note kiangah Gam a hong pia nuam hi.

Isaiah 57:14

“Zik un, zik un, lampi bawl khol un, ka mite’ lampi a dongkhak thei ding na khempeuh lakhia un,” kici ding hi.

ROM (Romans) 9:32

Bang hangin tung zo lo ahi uh hiam na cih uh leh, thu-upna tawh a delh kei uh hi, thukham gamtatna tawh a delh uh hi. Lai Siangtho sungah a kigelh mah bangin, amaute in sui-a kipuk na’ng suang a sui kha uh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

Mattiu 7:13

“Kong kawciik ah lut un. Bang hang hiam na cih uh leh, siatna mun tun’ nading kong leh lampi tanzau a, mi tampi a lut uh hi.

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.