Mattiu 6:27 - Tedim Bible

²⁷ A lunghihmawh manin tong khat beek a khangkhan thei note lakah kua a om hiam?

Tedim Bible Revision 2017

²⁷ Na lunghihmawh manun kua in na khan uh kum bangzah sot to thei na hi uh hiam?

Mattiu 6:27 Referans Kwoze

Thuhilh-sia 3:14

Pasian’ sep khempeuh a kip tawntung ding ahihna ka thei hi; i behlap theih ding om lo a, i paihkhiat theih ding zong om lo hi. Amah i zahtak theih nadingin Pasian in tua bang ding mahin a bawl ahi hi.

Mattiu 5:36

Na lu tawh na kiciam kei un, bang hang hiam na cih uh leh, na samzang khat a kang a vom dingin na bawl thei kei uh hi.

1 KORIN MASA 12:18

Tu-in ahih leh, Pasian in a deihna bangin na atuam atuamin pumpi sungah a guang kim hi.

Mattiu 6:25

Tua ahih leh ‘Bang ka ne, bang ka dawn ding hiam?’ ci-in na nuntak nading uh lunghimawh kei un, ‘Bang ka silh ding hiam?’ ci-in na pumpi ading lunghimawh kei un. An sangin nuntakna a lianzaw hi. Puan sangin pumtak lianzaw hilo ahi hiam?”

Mattiu 6:28

Puan silh dingah bang hangin lunghimawh na hi uh hiam? Gamlakah unok kungte in bangci khang thei ahi uh hiam ci-in lungngai un. Amaute in na lah sem lo, khau lah kheek lo uh hi.

Mattiu 6:31

Tua ahih ciangin, ‘Bang ka ne ding hiam? Bang ka dawn ding hiam? Bang ka silh ding hiam?’ ci-in lunghimawh kei un.

Mattiu 6:34

Tua ahih ciangin, zing ciang ading na lunghimawh kei un. Zing ciang in ama ading a lunghimawh ding hi. Tuni a, om lungkhamna in tuni ading a kicing hi.”

Luka 10:41

Zeisu in, “Martha aw, Martha aw, nang in na tampi na lunghimawh a, gimna na thuak hi.

Luka 12:11

Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.

Luka 12:22

Khatvei Zeisu in, “Tua ahih ciangin note kiangah kong gen-inah, bang ka ne ding hiam ci-in na nuntak nading uh lunghimawh kei un. Bang ka silh ding hiam ci-in na pumpi ading uh lunghimawh kei un.

Filippi 4:6

Bangmah thu-ah lungmang loin, na khempeuh ah hehpihna phatin na nget nopnate uh Pasian kiangah na ko un.

1 PETER MASA 5:7

Pasian in note hong keem ahih ciangin, na lunghihmawhna khempeuh uh ama tungah na koih un.