Mattiu 6:1 - Tedim Bible

¹ “Mi mai-ah kisialin, gamtatna a pha mite muh dingin na bawl loh nadingun na kikem un. A hih kei leh vantungah a om na Pa uh kiangah nopna na ngah kei ding uh hi.”

Tedim Bible Revision 2017

¹ “Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 6:1 Referans Kwoze

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Johan 12:43

Bang hang hiam i cih leh, Pasian’ piak minthan’na sangin mite piak minthan’na a deih zaw uh hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Luka 16:15

Zeisu in, “Note in mite mai-ah phatna na lak nuam uh hi. Ahih hangin Pasian in note lungsim uh a thei hi. Bang hang hiam na cih uh leh, mite phatna in Pasian mai-ah kihhuaina ahi hi.”

Galati 6:12

Amaute pumpi uh tawh kipawl minthan’na a deih mite in, Khazih’ singlamteh hangah thuakna leh bawlsiatna tawh kipelh nuam bekin, note vunat thuak nadingin zawhthawh thu tawh hong zol uh hi.

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

2 JOHAN NIHNA 1:8

Note in na bawl uh nate mangthangsak loin, a kicing thaman na ngah nadingun na kikem un.

Marka 8:15

Zeisu in, “Farisaite leh Herod’ silnngo kikeem un la, tang un,” a cih ciangin,

Mattiu 6:16

“Note in an na tan’ uh ciangin, mi simtatte bangin na mai uh vulsak kei un. Bang hang hiam na cih uh leh, amau in antang ahih uh mite theih ding a ut manun a mai a siasak uh hi. Ke’n aman takpi kong cih-inah, amau in a phattuamna uh a ngah zo uh hi.

Mattiu 16:6

Zeisu in, “Farisaite leh Saddusite’ silngo kikeem un la, tang un,” a cih ciangin

Luka 12:15

Tua zawh ciangin Zeisu in, “Note in huaihamna khempeuh kikemin na tang un. Bang hang hiam na cih uh leh, mihing nuntakna in sum hauh nading ahi kei hi,” a ci hi.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Luka 11:35

Tua ahih ciangin, na sungah a om khuavak in khuamial ahi hiam, hi lo hiam na en in.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Luka 12:1

Tua lai takin khat leh khat khe kisik kha dongin mi tul tampite a kikhawm uh hi. Zeisu in a nungzuite kiangah a gen masak pen-inah: “Mi simtatna ahi Farisaite’ silngo kikem un la, na tang un.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Thu-hilhkikna 24:13

ni a tum ciangin, a puanza nuai-ah amah lumin nang thupha hong piak theih nadingin tua hong na khap ama kiangah na piakik ding uh hi; tua in Topa note’ Pasian mai-ah note adingin thumanna hi ding hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

2 KUMPI NIHNATE 10:31

Ahih hangin Jehu in a lungsim khempeuh tawh Israel Pasian, Topa’ thukham sungah lim takin gamtat ding ngaihsun lo hi; Israelte a khialhsakna ahi Jeroboam’ khialhnate panin amah kihei lo hi.

2 KUMPI NIHNATE 10:16

Tua ciangin amah in, “Kei tawh hong pai in la, Topa ading ka deih luatna hong thei in,” a ci hi. Tua ahih ciangin amah in a leeng sungah amah tuang sak hi.

Zekhariah 13:4

Tua ni hong tun’ ciangin, kamsangte in a mangmuh theihna uh kisialhpih ngam loin, kamsangte bangin zong puansilh ngam loin, kamsang zong kineih ngam lo ding uh hi.

Sawltak 3:12

Piter in tua mite a muh ciangin, “Israel mite aw, hih thu bang hangin lamdangsa na hi uh hiam? Kote vangliatna leh phatna tawh kote in hih pa lam a paisak bangin bang hangin kote hong en gega na hi uh hiam?