Mattiu 5:48 - Tedim Bible

⁴⁸ Tua ahih ciangin, vantungah a om na Pa uh a migi mah bangin na migi ta un.”

Tedim Bible Revision 2017

⁴⁸ Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Mattiu 5:48 Referans Kwoze

Jeim 1:4

Note in a neu kha beek kisam loin na kicin’ nadingun, thuakzawhna lungsim in kicing takin hong bawlpha ta hen.

Siampi Laibu 19:2

“Israel mi honte khempeuh kiangah hih bangin gen in: Note na siangtho ding uh hi; bang hang hiam cih leh Topa note’ Pasian keimah in ka siangtho hi.

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

Thu-hilhkikna 18:13

Note in Topa na Pasian uh mai-ah pau’ baang loin na om ding uh hi.

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

1 JOHAN MASA 3:3

Hih bang a lamen mi khempeuh in Topa a sian’tho bangin amau pumpi uh zong a kisiangthosak uh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Luka 6:40

A nungzuite in a siapa sangin lianzaw lo hi. Ahih hangin a kicingsa-a om a nungzui khempeuhte in a siapa mah bangin ahi ding uh hi.

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Siampi Laibu 11:44

Bang hang hiam cih leh keimah in Topa na Pasian uh ka hi hi; tua ahih ciangin note ki-ap un la, kei siangtho ka hih manin note zong siangtho un. Leitunga bokvak a, a hontat ganhing khatpeuh peuh tawh note na kinin tawmsak kei ding uh hi.

Siampi Laibu 20:26

Note in keima adingin na siangtho ding uh hi; bang hang hiam cih leh Topa ahi keimah in ka siangtho a, note in keima’ aa na hih theih nadingun mite kiang panin note kong tuamkoih zo hi.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

2 KORIN NIHNA 13:9

Kote in thanemin note in na thahat lai takun ka lung uh a dam hi. Note na kicin’ nadingun thu ka ngen uh hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

2 SAMUEL NIHNA 22:31

Hih Pasian a thu kicing hi; Topa’ kamciamna a manna kilang hi, amah a belte khempeuh adingin amah in kidalna lum ahi hi.

Mattiu 5:47

Na sanggamte tung bekah na kamsiam uh leh, midangte sangin na siamna uh om tuan lo hilo ahi hiam? Gentailte in zong tua bang ahih uh hilo ahi hiam?

Thu-hilhkikna 27:10

Tua ahih ciangin Topa note’ Pasian thu mangin, tu ni-a note kong piak ama thupiaknate leh ama thukhamte na zui ding uh hi,” a ci uh hi.