Mattiu 5:39 - Tedim Bible

³⁹ Ke’n kong cih-inah, a gilo mi na thukkik kei un. Na pang taklam mi khatpeuh in hong bet leh, pang langkhat zong na dawh lai un,

Tedim Bible Revision 2017

³⁹ Ahi zongin note kiangah keʼn kong genin ah: A gilote na thukkik kei un. Mi khatpeuh in na paang taklam hong bet leh a lang khat zong na dawh lai zaw in.

Mattiu 5:39 Referans Kwoze

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

Paunak 20:22

Mite’ hong bawlsiatna thukkik ding ngaihsun kei in, Topa’ hong huh ding ngak in.

Kah la 3:30

Guallel-in bawlsiatna thuak taleng tua banga om lel ding ahi hi.

Siampi Laibu 19:18

Note in nomau’ mipihte tungah phu la loin, amau na lungsim neih kei ding uh a, nomau na ki-it uh bangin na vengte na it ding uh hi: keimah in Topa ka hi hi.

Paunak 24:29

Kei tunga hong bawl bangin kei zong ka bawl ding a, ama hong hihna bangin ka thuk ding hi, ci kha kei in.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

1 KORIN MASA 6:7

Tua bangin note in khat leh khat na kitot uh ciangin na guallelhna uh a kilang mahmah hi. Thuum loin bawlsiatna bang hangin thuak zaw lo na hi uh hiam? Bang hangin sum zatna thuak zaw lo na hi uh hiam?

Jeim 5:6

Midik tungah thu na khen uh a, na that zo uh hi. Amah in no hong thuk kei hi.

JOB (Job) 16:10

Mite in kei hong zahko uh a, ka paang a beng dingin hong kikhawmtuah uh hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.

Luka 22:64

A maitang a tuam khit uh ciangin, “Nang kua in hong beeng hiam? Kamsangte bangin hong gen in,” a ci uh hi.

1 KUMPI MASATE 22:24

Tua ciangin Khena-anah’ tapa Zedekiah a nai-ah hong pai-in Mikaiah a paang bengin, “Nang tungah thu a gen dingin keima tung panin Topa’ Kha hong bangci pai hiam?” a ci hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Mattiu 5:40

Na puanak hong deihgawh manin zum innah hong heekte puanza zong na lasak un,

Luka 6:7

Nipi ni-in cinatna damsak ding hiam damsak lo ding hiam, ci-in laitheite leh Farisaite in Zeisu a mawhsak nop manun a en uh hi.

Johan 18:23

Zeisu in, “Aman lo ka gen leh, aman lohna hong lak in. Aman ka gen leh bang hangin hong beeng na hi hiam?” ci-in a dawng kik hi.