Mattiu 5:29 - Tedim Bible

²⁹ Tua ahih ciangin na mit taklam in hong puksak leh, khelkhia inla paai in. Bang hang hiam na cih leh, na pumtangin hel khua sungah na kiat sangin na na khat kisia leh, nang adingin a phazaw ding hi.

Tedim Bible Revision 2017

²⁹ Tua ahih manin na mit taklam in na mawh nading hong piansak leh khel khia inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi.

Mattiu 5:29 Referans Kwoze

ROM (Romans) 8:13

Note in ci leh sa thu zui-in na nuntak uh leh, na si ding uh hi. Kha Siangtho hangin na pumpi uh a gamtatna na sihsak uh leh, na nungta ding uh hi.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

1 KORIN MASA 9:27

Midangte thu ka hilh khit ciangin hawlkhiatna ka thuak loh nadingin ka pumpi tumin, ka bawlsia hi.

ROM (Romans) 6:6

Khialhna tawh kipawl pumpi a kisuksiat nading ahi zongin, eite in mawhna’ sila a, i om loh nading ahi zongin, eite pumpi lui in amah tawh singlamteh tungah sihna a thuak khawm zo hi cih i thei hi.

Galati 5:24

Khazih Zeisu’ aa-te in si-le-sa’ deihna leh lunggulhnate singlamteh tungah a khencip zo uh hi.

Marka 8:36

Mi khat in leitung khempeuh a ngah hangin, ama nuntakna mangthangsak leh, bang phattuamna ngah ding ahi hiam?

Mattiu 19:12

A nu sung pan geh bang mi a om hi. Midangte in a geh bang a om hi. Vantung Gam hangah geh bang a suak zong om hi. Hih thu a mang zote in na mang ta un,” a ci hi.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Mattiu 23:15

“A simtat Farisaite aw, note in gimna na thuak ding uh hi. Bang hang hiam na cih uh leh, mi khat na nungzui uh na suahsak nadingun, lei lam leh tui lam na pai kawikawi uh a, na ngeina uh hong zuite, note mah bangin, a nihvei khang dongin hel khua’ ta na suaksak uh hi.”

Mattiu 16:26

Mi khat in leitung khempeuh a ngah hangin ama nuntakna mangthang leh, bang phattuamna ngah ding ahi hiam? Mi khat in ama nuntakna bang sum tawh lei kik thei ding ahi hiam?

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Mattiu 5:30

Na khut taklam in hong puksak leh, sat tan inla, paai in. Bang hang hiam na cih leh, na pumtangin hel khua sungah na pai sangin, na na khat kisia leh, nang adingin a phazaw ding hi,”

Mattiu 11:6

Keimah hangah puk nading a nei lo peuhmah in thupha a ngah ding uh hi,” a ci hi.

Mattiu 17:27

Ahih hangin, tua mite in eite’ hangin a puk loh nadingun, tuili-ah pai in la, nga thang va siah in. Nga na mat masak la in la, a kam na phen ciangin peekkhat na mu ding hi. Tua dangka la in la, kei ading leh nang adingin siahdongte na pia in,” a ci hi.

JOB (Job) 20:13

amah in muam muam nuamin siakhia nuam lo a, lim sa-in a dangtawng den’na-in a neih hangin,