Mattiu 5:26 - Tedim Bible

²⁶ Aman takpi kong cih inah, na liau ding dangkasan a khitna na piak khit matengin thong sung pan na paikhia thei kei ding hi.”

Tedim Bible Revision 2017

²⁶ A mantakin kong genin ah: Na liau sum na piak khit dong matengin thong sung panin na suakta ngei kei ding hi.

Mattiu 5:26 Referans Kwoze

Mattiu 18:34

a leiba a loh khit matengin mi bawlsiate’ khut sungah a pia hi.

Luka 12:59

Na liau ding dangkasan na piak khit matengin, thong sung pan na paikhia thei kei ding hi,” a ci hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Luka 16:26

Tua tham loin nang leh ko kikalah a thuk mahmah guam khat a om hi. Tua ahih ciangin hih santak panin nangma kiangah a galkah nuamte in, a galkah zo kei uh hi. Tua santak pan ko kiangah hong galkah nuamte in zong hong galkah zo kei uh hi,’ a ci hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 10:29

Gitta nih in dangkasan peek khat tawh kizuak hilo ahi hiam? Na Pa un thu pia kei leh, tua gitta khat beek lei tungah kia mawk lo hi.

Marka 12:42

A zawng meigong khat hong pai a, dangkasan pai nih a khia hi.

Luka 12:58

Na kitotpih pa tawh thukhen mangpa kiangah na paikhop lai takin, kilem dingin na hahkat in. Tua ahih kei leh, amah in thukhen mangpa kiangah hong kai ding hi. Thukhen mangpa in palikte kiangah hong pia ding a, palikte in thong sungah hong khum ding uh hi.