Mattiu 5:22 - Tedim Bible

²² Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Tedim Bible Revision 2017

²² Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Mattiu 5:22 Referans Kwoze

1 JOHAN MASA 2:9

“Khuavak sungah ka om hi,” ci napi-in a u a nau a mudah mi in, tu dongin khuamial sungah a om lai hi.

Jeim 3:6

Leii in mei a hi hi. A gilo na, leitung na ahi eite’ pumpi sungah om a, pumpi khempeuh ninsak a, pumpi hih theihna khempeuh zong hal a, amahmah in hel khua ah halna a thuak hi.

Titu 3:2

kuamah gensia loin, kitawng loin, lungkhuah nei loin, mi khempeuh tungah lungnem takpi nading a ngaihsut nadingun thu na hilh in.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Mattiu 18:35

Note in zong na u na nau uh’ khialhna na lungsim panun maisak kei le-uh teh, vantung khua-ah a om ka Pa in tua kumpipa mah bangin, note khempeuh tungah hong bawl ding hi.” a ci hi.

1 PETER MASA 3:9

Kitawng thuk kei un, kikosia kik kei un. Thupha na kipia un. Bang hang hiam na cih uh leh, note in thupha na luah nadingun hong sapsa mite na hi uh hi.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

1 PETER MASA 2:23

Kosiatna a thuak lai takin a kosia kik kei hi, gimna a thuak lai takin lau nadingin tawngkik loin, thuman a khenpa’ khut sungah ama pumpi a pia hi.

Mattiu 18:21

Tua khit ciangin Piter in va nai a, “Topa aw, ka u ka nau in kei tungah hong khial leh, ama mawhna bangzah vei ka maisak ding hiam? Sagih vei dongin ka maisak ding hiam?” ci-in a dot ciangin

Late 109:3

Amaute in muhdahna kamte pau-in kei hong gensia uh a, thu om lopi-in kei hong langpan’ uh hi.

Late 37:8

Hehna panin kikham in la, sinsona nusia in! Nangmah kilungsosak kei in; tua in siatna bek-ah hong paipih hi.

Juda 1:9

Vantungmite a ukpa Mikhael nangawn in Dawimangpa tawh kidoin, Moses’ luang tawh kizomin a kinial lai takin, kisiatna bawl ngam loin, “Topa in nang hong taai hen,” a ci bek hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

Sawltak 17:18

Epikura leh Stoik lungpilte kimkhat in Paul tawh kidem uh a, kimkhatte in, “Hih kam tam pau theipa in bang gen nuam ahi hiam?” a ci uh hi. Kimkhatte in, “Hih pa in gamdang pasiante thu hilh hi leh kilawm hi,” a ci uh hi. Bang hangin hih bangin a gen uh hiam i cih leh, Paul in Zeisu leh hin’kikna thu a hilh hang hi.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Marka 14:55

Siampi liante leh upate khempeuh in Zeisu that dingin teci a zon’ uh hangin a mu kei uh hi.

Mattiu 26:59

Siampi liante leh upate in Zeisu thah nadingin thuzuau teci a zong uh hi.

Thu-hilhkikna 15:11

Bang hang hiam cih leh leitang tungah mizawng bei ngei lo ding hi; tua ahih ciangin, ‘Gam sungah na sanggampa, na a kisam mite’ leh mizawngte tungah na cingh mahmah ding hi,’ ci-in thu kong pia hi.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Mangmuhna 20:14

Sihna leh Sihna Gam mei li sungah a kiasuk hi. Tua mei li in nihna sihna ahi hi.

Sawltak 7:37

‘Pasian in na ute na naute lakah kei tawh kibang kamsangpa khat note ading kong piangsak ding hi,’ ci-in Israel mipawlte a genna mi in tua Moses ahi hi.

Luka 12:5

Kua mi na kihta ding ci-in kong gen ding hi; pumpi a thah khit ciangin hel khua sungah a khul zo Pa na kihta un. Ahi hi, tua pa na kihta un kong ci hi.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Mattiu 5:34

Ke’n kong cih inah, na kiciam peuhmah kei un. Vantung in Pasian’ tokhom ahih ciangin vantung tawh na kiciam kei un.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Paunak 14:16

Mipilte in Topa zahtakin siatna panin kihem a, mihaite in thu ngaihsun masa loin gamta pahpah hi.

Late 7:4

thu om lopi-in ka lawmte kheemin, ka galte ka huh tak leh,

Piancilna 37:4

Ahih hangin a pa un a sanggamte khempeuh sangin amah a it zawkna a sanggamte in a muh uh ciangin, amaute in Josef mudah uh a, nuamtakin amah hopih thei lo uh hi.

1 JOHAN MASA 5:16

Mi khatpeuh in a sanggampa in sihna thuak ding a kilawm lo mawhna a bawl a muh leh, thungen ta hen. Sihna a thuak ding a kilawm lo mawhna a bawl mite ading Pasian in nuntakna a pia ding hi. Sihna thuak ding a kilawm mawhna a om hi. Tua bang mawhna maisak nading thungen ding ka ci kei hi.

Jeim 2:20

Kiphasakpa aw, gamtatna hoih om loin upna in phattuamna om lo hi cih theinuam na hi hiam?

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

1 KORIN MASA 6:10

sum gutate, huaiham duhhopte, zukham theite, hangsan kosiate, zawhthawh bawla sum sutte in Pasian’ Gam a luah kei ding uh hi.

1 KORIN MASA 6:6

U tawh nau tawh kisel tham loin, thu-um lote mai-ah na kikhia tazen uh hi!

Sawltak 5:27

A paipih uh ciangin upa vaihawmte mai-ah a koih uh a,

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Johan 8:48

Judah mite in, “Nang Samaria mi na hi a, dawilawm nei na hi kong cihna uh man hilo ahi hiam?” a ci kik uh hi.

Johan 7:20

Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.

Marka 15:1

A zingsang ciangin siampite in thakhatin upate, laitheite leh vaihawmte khempeuh tawh a vaihawm uh a, Zeisu khau tawh a hen khit uh ciangin paipihin, Pilat Mangpa tungah a pia uh hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Mattiu 23:15

“A simtat Farisaite aw, note in gimna na thuak ding uh hi. Bang hang hiam na cih uh leh, mi khat na nungzui uh na suahsak nadingun, lei lam leh tui lam na pai kawikawi uh a, na ngeina uh hong zuite, note mah bangin, a nihvei khang dongin hel khua’ ta na suaksak uh hi.”

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 12:24

Farisaite in a zak uh ciangin, “Hih pa in Beelzebub suangin dawite a hawlkhia hi,” a ci uh hi.

Mattiu 10:17

Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Obadiah 1:12

Na sanggamte a tuahsiat ni-un munuam dah hoh un. Judah mite a kisiat ni-un nuam kei un. A kisiat ni-un lungdam kei un. A cihmawh ni-un nuihsan kei un.

Daniel 3:19

Tua ciangin Nebukhadnezzar kumpipa in Shadrak, Meshak leh Abednego-te tungah heh mahmah ahih manin a mai a san pempam hi. A sat ngeina zah sagih vei a sazaw meiphualpi cih dingin a mite thu a pia hi.

Daniel 3:13

Tua thu hangin kumpipa heh mahmah a, tua mi thumte ama mai-ah a kipaipih nadingin thu a pia hi.

Kah la 3:52

A thu om lopi in ka galte in hong mudah uh a, vasa siah bangin thang a hong siah uh hi.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Paunak 18:6

Mihaite in kitot nading a pat ciangin, hong sat un, ci-a a ngenngen ahi hi.

Late 92:6

Migilote lopa bangin selkhia-in, siatna bawl khempeuh a pun’ hangin, amaute pen a tawntungin siatna a thuak ding ahi uh hi; ahih hangin, Topa aw, nang pen asangna-ah a om tawntung na hihna thu, lungsim mawl mi in theithei lo a, lungsim tei lo mi in tel thei lo hi.

Late 69:4

Thu omlopi-a kei hong mudah mi, ka lu tunga samzangte sangin tamzaw uh hi; kei hong susia ding, zuauthu tawh hong dote hat mahmah uh hi. Kei’ guk lohpi, ke’n loh ding ka hi hiam?

Late 49:10

Hi hi, amah in a pilte nangawn a si mu ding a, a haite leh a teilote a kibangin sia-in, amau neihsate midangte’ tungah nusiat uh hi.

Late 35:19

A man lopi-a ka gal a hite kei tungah lungdamsak kei in la, thu om lopi-a kei hong mudahte, mit-heek kipiasak kei in.

Late 25:3

Hi hi, nang hong ngakte kuamah zahhuaisak kei in; thu khual lo-a zuau theite zahhuaisak in.

Late 14:1

Mihai mi in a lungsim sungah, “Pasian om lo hi,” ci-in ngaihsun hi. Amaute sia uh a, kihhuai gamtatin, ahoih-a gamta kuamah om lo hi.

Nehemiah 5:8

”Mi namdangte tungah sal-a kizuaksa i Judah mipihte ahi zo zahzahin i tanh kik hi; tua hi napi-in note in na mipihte uh na zuak uh a, tu-in amaute i tat kik ding hi zel hi!” ka ci hi. Amaute pau loin om uh a, a gen ding mel uh thei lo uh hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

1 KUMPI MASATE 21:4

Tua ciangin Jezre-el khuami Naboth in ama tungah a thugenna hangin hehna leh maikhin’na tawh Ahab a innah ciah hi; bang hang hiam cih leh amah in, “Ka pu ka pate’ gamh nang tungah kong pia kei ding hi,” a ci hi. Amah a lupna tungah lumin a mai hei a, an ne lo hi.

2 SAMUEL NIHNA 16:7

Shimei in a samsiat kawmin, “Pai mang, pai mang, nang mi thatpa, bangmah man lo mipa!

2 SAMUEL NIHNA 6:20

Tua ciangin a innkuan thupha pia dingin David ciah hi. Ahih hangin David dawn dingin Saul’ tanu Mikhal hong paikhia a, “Tu ni-in Israel kumpipa, mi mawkmawkte khat maizum lo a, a guak om bangin, a nasemte, numeite’ muhna-ah a guak tangin omin, amahmah bangci kipahtawi ahi hiam?” a ci hi.

Piancilna 37:8

A sanggamte in ama' kiangah, “Kote' tungah nang in hong uk ding na hi hiam?” Kote’ tungah ukna nei ding na hi hiam?” ci uh hi. Tua ahih ciangin amaute in a mangte leh a thugente hangin amah mudah kan uh hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate ah thukhente leh uliante na koih ding uh hi; amaute in a man thukhenna tawh mite thukhen ding uh hi.

2 KHANG TANGTHU NIHNATE 19:5

Amah in gam sunga Judah khuapi kulhnei khempeuh a khuapi a khuapi-ah thukhen dingte seh a,

Luka 22:66

Khua a vak ciangin mite lakah upate, siampi liante leh laitheite kikhawm uh a, Zeisu amau zumah a paipih uh hi.

Sawltak 4:15

Sawltakte vaihawmna pan a paikhiat ding uh thu a piak khit uh ciangin,

Sawltak 5:21

Amaute in tua thu a zak uh ciangin a zingsang tungin biakna innpi sungah a lut uh a, thu a hilh uh hi. Pasian’ siampi ukpa leh amah tawh kipawlte hong pai uh a, upa vaihawmte akipan Israel upate khempeuh a kikhopsak khit uh ciangin, sawltakte hong paipih dingin thong sungah mi a sawl uh hi.

Sawltak 6:12

mi honpite, upate leh laitheite a hansuah uh a, Stefen kiangah pai-in a mat khit uh ciangin vaihawmna-ah a paipih uh hi.

Sawltak 6:15

Vaihawmna sungah a tu mi khempeuh in Stefen a tel takpi a et uh ciangin ama maitang in vantungmi’ maitang tawh a kibat lam a mu uh hi.

Sawltak 22:30

A zing ciangin bang hangin Judah mite in Paul a mawhsak uh hiam cih galkap mangpa in tel takpi thei nuamin Paul khahkhia a, siampi liante leh upate a kikhopsak khit ciangin paipihsuk a, amaute mai-ah a koih hi.

Sawltak 23:1

Paul in upate a tel takpi-in en a, “Ute naute aw, tuni dongin Pasian mai-ah keimah pumpi ka kimawhsak nading om loin ka om hi,” a cih ciangin

Sawltak 24:20

Ahih kei leh, upa vaihawmte mai-ah ka om lai takin,