Mattiu 5:14 - Tedim Bible

¹⁴ Note in leitung khuavak na hi uh hi. Mual dawnah a om khua kiliah zo lo hi.

Tedim Bible Revision 2017

¹⁴ “Note pen leitung mite adingin khuavak tawh na kibang uh hi. Mual dawnah a om khua kiseelcip thei lo hi.

Mattiu 5:14 Referans Kwoze

Filippi 2:15

Tua bangin na hih uh leh, mawhsak nading om loin, kuama tungah khialhna om loin, lungkawi-a kisia mi pawlte lakah mawhna neu kha beek a nei lo Pasian’ tate na suak ding uh hi. Nuntakna tawh kipawl thu hilhin, vantunga aksite bangin tua mi pawlte lakah na taang ding uh hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

1 THESALONIKA MASA 5:5

Bang hang hiam na cih uh leh, note khempeuh in khuavak’ tate, sun lai’ tate na hi uh hi. Eite in zan tawh ahi zongin, khuamial tawh ahi zongin a kipawl i hi kei hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Johan 12:36

“Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

2 KORIN NIHNA 6:14

A thu-um lote tawh kipawlin kithutuak lo hakkol na puakhawm kei un. Bang hang hiam na cih uh leh, dikna thu in gitlohna tawh bang ci-a kigawm thei ding hiam? Khuavak in khuamial tawh bang ci kizom thei ding hiam?

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Johan 9:5

Leitungah ka om lai tengin leitung’ khuavak ka hi hi,” a ci hi.

Mangmuhna 2:5

Tua ahih ciangin nang in bangci omna pan na kiam zawh thu na phawk kik khit ciangin na kisikkik in la, a cil-a na gamtat ngei na gamta kik in. Tua bang na hih kei leh, na kiangah ka hong pai ding a, na kisikkik kei leh, na meivakna a omna pan ka khin ding hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizangah ka koih a, a kimkotah gamdang khempeuh ka omsak hi.