Mattiu 4:7 - Tedim Bible

⁷ Zeisu in, “Na Topa Pasian na ze-et kei in ci-in Lai Siangtho sungah kigelh hi,” a ci hi.

Tedim Bible Revision 2017

⁷ Jesu in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Mattiu 4:7 Referans Kwoze

Thu-hilhkikna 6:16

“Massah ah amah na ze-et uh bangin Topa na Pasian uh na ze-et nawn kei ding uh hi.

1 KORIN MASA 10:9

Tuate kimkhat in Topa a ze-et uh a, gul in a sukgawp bangin eite in Pasian ze-et loin om ni.

Late 78:18

Amau’ duh mahmah an kalhna tawh amaute in a lungsim sung uh-ah Pasian ze-et uh hi.

Late 78:41

Amaute in amah ze-et kikkik uh a, Israelte’ Siangtho Pa phin uh hi.

Paikhiatna 17:7

Israel mite’ mawh zon’na leh amaute in Topa ze-etin, “Eite' lakah Topaom hiam om lo hiam?” a cihna hangun, amah in tua mun pen Massah leh Meribah ci-in min phuak hi.

Paikhiatna 17:2

Tua ahih ciangin mite in Moses’ mawhna zong uh a, “Tui dawn ding hong pia in,” ci uh hi. Moses in amaute' kiangah, “Bang hangin kei tungah mawhna hong zong na hi uh hiam? Bang hangin Topa ze-et na hi uh hiam?” ci hi.

Sawltak 5:9

Piter in, “Note in Topa’ Kha ze-et dingin bang hangin kilungtuak na hi uh hiam? En in! Na pasal vuite’ khe in kongkhak kiangah a om uh hi; nang zong a hong puakhia ding uh hi,” a ci hi.

Late 106:14

Ahih hangin amaute in gamlak ah deihluat mahmah na nei uh a, sehnel gam sungah Pasian ze-et uh hi;

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Late 78:56

Ahi zongin amaute in Sangpen Pasian ze-etin lehdo uh a, ama teci pan’nate zui loin,

Gamlak-vakna 14:22

Izipt leh gamlakah ka hihsa ka minthan’na leh ka limte mu khin napi-in sawm vei kei hong ze-etin keima aw a ngai lo mite,

Mattiu 4:4

Zeisu in, “Mi in khomun bek tawh nungta lo hi, Pasian’ kam sung pan hong pusuak thu khempeuh tawh a nungta hi,’ ci-in Lai Siangtho sungah kigelh hi,” a ci kik hi.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Mattiu 21:42

Tua ciangin Zeisu in: “‘Inn lamte’n a nilkhiat suang in, A nung ciangin innkiu suang a piang hi. Tua thu Pasian in bawl a, Eite mai-ah a lamdang hi,’ a cihna Lai Siangtho sungah note in khatvei beek sim ngeilo na hi uh hiam?

Mattiu 21:16

“Hih naupangte in bang thu a gen uh cih na za hiam?” ci-in a dot uh ciangin Zeisu in, “Ka za hi. ‘Naupangte leh nawi nete kam sung pan Nang in minphatna na piangsak hi,’ a cihna thu, note in khatvei beek sim ngeilo na hi uh hiam?” a ci hi.

Luka 4:12

Zeisu in, “Na Topa Pasian na ze-et kei in,’ a kici hi,” a ci hi.

Sawltak 15:10

Tua bang ahih leh, eite ahi zongin, i pu i pate ahi zongin, a puak zawh loh hakkol nungzuite’ ngawng tungah suan dingin bang hangin Pasian na ze-et uh hiam?