Mattiu 4:19 - Tedim Bible

¹⁹ Zeisu in, “Ka nung hong zui un. Mi mante kong suaksak ding hi,” a cih ciangin,

Tedim Bible Revision 2017

¹⁹ Jesu in amaute kiangah, “Kei hong zui un; nga mat bangin pawl tampi a ngah thei mi kong suaksak ding hi,” ci hi.

Mattiu 4:19 Referans Kwoze

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Luka 9:59

Midang khat kiangah, “Kei hong zui in,” a cih ciangin amah in, “Topa aw, ka pa ka vui masak nading thu hong pia in,” ci-in a ngen hi.

Johan 21:22

Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Johan 1:43

Zing ciangin Zeisu in Galile gamah pai ning ci a, Filip a muh ciangin, “Ka nung hong zui in,” a ci hi.

Luka 5:27

Tua nung ciangin Zeisu paikhia a, Levi kici siahdon’na bukah tu-in a om a mu hi. “Ka nung hong zui in,” a cih ciangin,

Marka 2:14

Amah in lam a pai lai takin Alefas’ tapa Levi in siahdon’na buk sungah tu-in a om a mu hi. “Ka nung hong zui in,” a cih ciangin ding-in a zui hi.

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Mattiu 9:9

Zeisu in tua mun panin paikhia a, Mattiu kici mi khat siah don’na buk sungah tu-a om a mu hi. “Ka nung hong zui in,” a cih ciangin ding-in a zui hi.

Mattiu 8:22

Zeisu in, “Misite in amau misite na vui ta hen. Ka nung hong zui in,” a ci hi.

2 KORIN NIHNA 12:16

Keimah in note tungah vangik khat ka suah lohna maan ta hen. Ahi zongin mipil ka hih ciangin kheemna tawh note hong man hi ta leng zong,

Mattiu 4:18

Galile tuili gei lamah a pai lai-in, Piter kici Simon leh Andru te unau, ngabengte ahih uh ciangin tui sungah ngen paai-a om uh a mu hi.

Mattiu 4:20

amaute in thakhatin a ngen uh nusia-in Zeisu nung a zui uh hi.