Mattiu 28:9 - Tedim Bible

⁹ Tua lai takin Zeisu in lampi-ah va dawn a, “Note na cidam ta un,” a cih ciangin numeite in va nai uh a, a khe lenin a bia uh hi.

Tedim Bible Revision 2017

⁹ Jesu in lampi ah tua numeite na dawntuahin, “Lungnuam un!” ci-in a na hopih hi. Numeite in zong Jesu a khe ah lenin a bia uh hi.

Mattiu 28:9 Referans Kwoze

Mattiu 28:17

Topa tawh a kimuh uh ciangin a bia uh a, ahih hangin kimkhat in a um khial lai uh hi.

Mattiu 14:33

Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Johan 20:28

Thomas in, “Ka Topa leh ka Pasian aw,” a cih ciangin,

Luka 24:52

Amaute in Zeisu a biak khit uh ciangin lungdamna tampi tawh Jerusalem khua-ah ciah uh a;

Johan 12:3

Tua lai takin Mari in tampi a man mard paknamtui thawl khat la a, Zeisu’ khe nuhin a sam tawh a nul hi. Tua paknamtui in inn sung teng a zeel hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

Johan 20:19

Ni sagih lakah ni kipat ni, a nitak ciangin Judah mite a kihtak man-unah a nungzuite in kikhopna-ah kongkhakte khakin a om uh a, tua sungah Zeisu hong lut a, amau lai zangah ding-in, “Nopna na ngah ta un!” a ci hi.

Luka 1:28

Gabriel in ama kiang a tun’ ciangin, “Thupha a ngah nungak aw, na cidam ta hen. Topa in nang tawh a omkhawm hi,” a ci hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. En in, kote tungah nang na heh a, ahih zongin kote ka khial lai veve uh hi; tanglai pek-a kipanin ka mawh ngitnget uh hi. Tua bangpi-in kote hong kihon ding ahi hiam?

Mattiu 23:7

sumbukah zahtakna tawh hopih ahi zongin, ‘Rabbi aw,’ cihna ahi zongin a deih uh hi.

Mattiu 28:8

Tua numeite in launa tawh, nuamna tawh han panin a nungzuite thu ko dingin a tai mengmeng uh hi.

Mattiu 28:10

Zeisu in, “Lau kei un, Pai un la, ka sanggamte kiangah, ‘Galile gamah na pai un. Tua san takah kei hong mu ding uh hi,’ a ci hi, ci-in va gen un,” a ci hi.