Mattiu 28:19 - Tedim Bible

¹⁹ Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Tedim Bible Revision 2017

¹⁹ Tua ahih ciangin note pai unla, midang khempeuh, keima nungzui mi suaksakin, Pa min, Tapa min le Kha Siangtho min tawh tui sungah na phum un.

Mattiu 28:19 Referans Kwoze

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Galati 3:27

Bang hang hiam na cih uh leh, Khazih sungah bataizna a ngah mi khempeuh in Khazih a silh uh hi.

ROM (Romans) 10:18

Ahih hangin amaute in za hilo ahi uh hiam? A mantakpi a za uh hi: “Amaute aw un leitung khempeuh ah a zel zo hi; Amau thu un leimong dongin a tung zo hi.”

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

Sawltak 28:28

Tua ahih ciangin Pasian in hong piak hih gupna thu Gentailte kiangah kipuak ding a,

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

1 PETER MASA 3:21

Tu-in baptaizna ahi tua tui in lim bangin, Zeisu Khazih’ thawhkikna hangin note hong gum hi. Tua note a hong gum baptaizna ka cih ciangin pumpi nin a kihhuaina sawp siang a cihnopna hi lo hi; lungsim kisuan’ lohna siangtho tawh Pasian mai-ah a mang ka cihnopna hi.

Piancilna 1:26

Tua ciangin Pasian in, “Eima' lim, eimah hong suunin mihing bawl ni; tuipi ngasate' tung, huih lak vasate' tung, ganhingte' tung, leitung khempeuh' tung, leitunga a bokvakte khempeuh' tungah ukna neisak ni,” ci hi.

1 KORIN MASA 15:29

Ahih kei leh, misite tang ding bang hangin kibaptaiz ahi uh hiam? Misite a thokik lo takpi ahih leh, amaute tang ding bang hangin a kibaptaiz uh hiam?

Isaiah 48:16

Kei kiangah hong nai un la, hih thu za un: a kipat cil-a kipanin a simthamin thu ka gen kei a, tua thu hong pian’ akipanin kei ka om hi. (Tu-in Topa Pasian in a Kha tawh kei hong sawl hi.)

Sawltak 14:21

Amaute in tua khua sungah Lungdamna Thu a hilh uh a, tampitak nungzuite a suaksak khit uh ciangin Listra khua, Ikonium khua leh Antiok khua-ah ciahkik-in, nungzuite a lungkipsak uh a,

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Sawltak 9:18

Tua lai takin thakhatin Saul’ mit tungah ngasa lip bangin na khat kia pah a, khua mu thei a,

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

1 JOHAN MASA 5:7

Kha Siangtho in teci hong pang hi. Bang hang hiam na cih uh leh, Kha Siangtho in thuman thutak ahi hi.

Mattiu 25:32

A mai-ah mi namkim kikhawmsakin gancingpa in tuu leh keelte a tuam khen mah bangin, mi khempeuh a tuam tuakin hong kikhensak ding hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.