Mattiu 27:30 - Tedim Bible

³⁰ Zeisu cil tawh phih uh a, pumpeeng la-in a lutang a sat uh hi.

Tedim Bible Revision 2017

³⁰ Tua ciangin cilphih uh a, a pumpeeng tawisak uh la-in a lutang a sat uh hi.

Mattiu 27:30 Referans Kwoze

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

Marka 15:19

Pumpeeng tawh ama lutang sat uh a, cil tawh phihin, a mai-ah khukdin’in a bia uh hi.

Isaiah 53:7

Amah kinengniam-in, amah gimna a kithuaksak hangin amah kam khat beek pau lo hi; sa gote kiangah a kipaipih tuuno leh a mul mette mai-ah a kipaipih tuu a ham loh mah bangin, ama kam khat beek pau lo hi.

Micah 5:1

Jerusalem khuamite aw, na kulh sung uhah lut un. Eite hong ki-umcih a, Israel makaipa’ biang ciang tawh sat ding uh hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Marka 10:34

Tua mite in zong amah zahkoin, cil tawh phihin, satin, a that ding uh hi. Ni thum khit ciangin a thokik ding hi,” ci-in ama tungah a tung ding thute a nungzuite kiangah a gen hi.

Marka 14:65

Tua lai takin kimkhatte in Zeisu cil tawh phih uh a, a maitang tuamin a khut uh tawh a tum uh hi. “Pasian’ kamsangte bangin hong hilh in,” a ci uh hi. Palikte in khut tawh pang betin a paipih uh hi.