Mattiu 27:25 - Tedim Bible

²⁵ Mi khempeuh in, “Ama si in ko tung leh ka tu ka tate tungah om tawntung ta hen,” a ci uh hi.

Tedim Bible Revision 2017

²⁵ Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Mattiu 27:25 Referans Kwoze

Joshua 2:19

Mi khatpeuh na inn kong panin kongzing lampi-ah a paikhiat leh ama sihna in ama khialhna hang hi ding hi, kote ka siang ding uh hi; ahih hangin inn sungah nang tawh a om mi khatpeuh a kisukkhak leh, ama sihna in kote’ khialhna hi ding hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Thu-hilhkikna 19:10

Tua hi kei leh Topa na Pasian un luah dingin note hong piak leitang tungah mawh baang lo mi kithat kha ding a, tua mi thahna hanga mawhna note tungah om ding hi.

Gamlak-vakna 35:33

Na ten’na leitang uh na ninsak kei ding uh hi; bang hang hiam cih leh mi thahna in leitang ninsak a, a that mipa a kithah kei buang leh, tua mi kithahna leitang sian’sak nading thu dang om thei lo hi.

1 KUMPI MASATE 2:32

Topa in ama mawhna ama lu tang mah ah tungsak kik ding hi; bang hang hiam cih leh ka pa David’ theih lohin amah in Israel galkapte a uk Jether’ tapa Amasa, amah sangin thuman zaw-in a hoihzaw ahi mihing nih do-in namsau tawh that hi.

2 SAMUEL NIHNA 1:16

Tua ciangin David in ama kiangah, “Nangma mawhna nangma lu tungah tung ta hen; bang hang hiam cih leh nangma kam in nang lang khatah teci pangin, ‘Topa’ sathau nilhpa ka that khin hi,’ na ci hi,” a ci hi.

Thu-hilhkikna 19:13

Note na nopsak theih nadingun amah hehpih loin, Israelte sung panin mi thatpa na beisak ding uh hi.

Paikhiatna 20:5

amaute' mai-ah kun loin, amaute na bia kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte' tungah pate’ mawhna tate tungah khang thum khang lina dongin thukin,

Mattiu 21:44

Hih suang tungah a kiate in a kitan ding hi. A tungah hih suang kia a, a deen’ khak peuhmahte kizangawp ding hi,” a ci hi.

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin