Mattiu 27:18 - Tedim Bible

¹⁸ Bang hanga hih bang dong ahi hiam i cih leh, amaute in Zeisu a een’ man-unah a piak uh a thei hi.

Tedim Bible Revision 2017

¹⁸ Bang hang hiam cih leh Jesu a hazat man bekun ama kiangah a paipih ahihna thu teltakin a thei hi.

Mattiu 27:18 Referans Kwoze

Paunak 27:4

Hehna leh sinsona siahuai a, ahi zongin hazatna siahuai zaw lai hi.

Sawltak 5:17

Tua lai takin siampi ukpa leh amah tawh a kipawl Saddusi mite khempeuh a ding uh a, hazatna tawh a dim uh hi.

Marka 15:10

Bang hangin hih bangin a dong hiam i cih leh, siampi liante in Zeisu a een’ manun ah a piak uh a thei hi.

Jeim 4:5

Lai Siangtho’ thu in: “Eite sunga teeng Kha Siangtho in eite hong aam mahmah hi,” a cihna in a mawkna ahi ci-in na um uh hiam?

Sawltak 13:45

Ahih hangin Judah mite in mihonpi a muh uh ciangin haza uh a, Paul’ thuhilhna a gensia uh hi.

Sawltak 7:9

Tua pawlte’ pate in Josef a haza uh a, Izipt gamah a zuak uh hi.

Piancilna 37:11

A sanggamte in amah haza uh a, ahih hangin a pa in hi thugenna ciamteh hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Late 106:16

Giahphual-ah, mite in Moses leh Topa’ mi siangtho Aaron a hazat uh ciangin,

Mattiu 27:17

Tua ahih ciangin, mi a kikhop lai takun Pilat in, “Note in kua khah leng na ut uh hiam? Barabbas na ut uh hiam? Ahih kei leh, Khazih a kici Zeisu na ut uh hiam?” ci-in mite a dong hi.

Mattiu 27:19

Pilat in thukhenna tokhom tungah a tut lai takin a zi in ama kiangah mi khat sawl a, “Tua miphapa tawh bangmah kikumin na hih kei in. Bang hang hiam na cih leh, tuni-in ka mang sungah tua pa hangin gimna nakpi-in ka thuak hi,” ci-in kam a khak hi.