Mattiu 26:56 - Tedim Bible

⁵⁶ Hih thute khempeuh in Pasian’ kamsangte’ gelhsa Lai Siangtho hong tun’ nading ahi hi,” ci-in mihonpite kiangah a gen hi. Tua ciangin, a nungzuite khempeuh in Topa a taisan uh hi.

Tedim Bible Revision 2017

⁵⁶ Ahi zongin Lai Siangtho sungah kamsangteʼ thugente a tun theih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesu nusia-in a taisan uh hi.

Mattiu 26:56 Referans Kwoze

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Mattiu 26:31

Tua lai takin Zeisu in, “Tuucingpa ka satlum a, tuu honpite a kithehthang ding uh hi,’ ci-a Lai Siangtho sungah a kigelh bangin note na vekpi-un kei hangin, tuzan ciangin na lungkia ding uh hi. Ahih hangin ka thawhkik khit ciangin note maiah Galile gamah ka pai ding hi,” a cih ciangin

Mattiu 26:54

Tua bang ahih leh, hih bang a piang ding hi, ci-a Lai Siangtho sungah a om bangci a tung ding hiam?” a ci hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Kah la 4:20

Amaute in galte khut sung pana a hong hu zo dinga ka up uh, Pasian’ teel a muanhuai kumpi a hong matsak uh hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

Mattiu 21:42

Tua ciangin Zeisu in: “‘Inn lamte’n a nilkhiat suang in, A nung ciangin innkiu suang a piang hi. Tua thu Pasian in bawl a, Eite mai-ah a lamdang hi,’ a cihna Lai Siangtho sungah note in khatvei beek sim ngeilo na hi uh hiam?