Mattiu 26:55 - Tedim Bible

⁵⁵ Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Tedim Bible Revision 2017

⁵⁵ Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 26:55 Referans Kwoze

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

Marka 12:35

Zeisu in biakna innpi sungah thu a hilh lai takin, “Khazih in David’ Ta ahi,’ ci-in laitheite in bangci a gen thei uh hiam?

Johan 7:28

Tua ahih ciangin Zeisu in, “Note in kei nong thei uh hi. Ka pian’na lah nong thei uh hi. Ahih hangin keima ut bangin hong pai ka hi kei hi. Kei hong sawlpa in thuman thutak tawh a dim hi. Tua pa na thei kei uh hi.

Johan 7:14

Pawikhamna a kimkhat a bawl lai takun, Zeisu biakna innpi-ah paito-a thu a hilh hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Mattiu 26:47

Zeisu in a gen lai takin a nungzui sawm-le-nihte khat ahi Judas hong pai a, siampi liante leh upate’n a sawl mi honpite in, namsau leh molhtumte tawi-in amau tawh hong tonkhawm uh hi.

Marka 10:1

Tua mun panin Zeisu tho a, Judah gam leh Jordan gun gal khatah a tung hi. Mi tampi in ama kiangah kikhawm kik uh a, a ngeina bangin thu a hilh hi.

Luka 4:20

Lai Siangtho zial a, kikhopna inn nasempa a piak khit ciangin a tu hi. Kikhopna inn sungah a om mi khempeuh in tel takpi-in a en uh hi.

Luka 19:47

Zeisu in ni simin biakna innpi sungah thu a hilh hi. Ahih hangin siampi liante, laitheite leh miliante in amah thah nading a zong uh hi.

Luka 20:1

Ni khat Zeisu in biakna innpi sungah mite thu hilh a, Lungdamna Thu a gen lai takin, siampi liante, laitheite leh upate ama kiangah a pai uh hi.

Johan 8:20

Biakna innpi sungah thu a hilh lai takin, sumkholna dei sungah hih thu a gen hi. A hun tung nai lo ahih ciangin kuamah in a man kei uh hi.