Mattiu 25:32 - Tedim Bible

³² A mai-ah mi namkim kikhawmsakin gancingpa in tuu leh keelte a tuam khen mah bangin, mi khempeuh a tuam tuakin hong kikhensak ding hi.

Tedim Bible Revision 2017

³² Ama mai ah leitung minam khempeuh hong kikhawm ding hi. Gancing pa in tuu le keelte a khen mah bangin mi khempeuh khen nihin hong koih ding hi.

Mattiu 25:32 Referans Kwoze

Mattiu 13:49

Tua mah bangin leitung a bei ciangin, vantungmite hong kumsuk ding uh a, mi siangthote lakah a gilo teng lakhia-in meiphual sungah a khul ding uh hi.

Malakhi 3:18

Tua ciangin, midikte leh migilote, leh keima na hong semte leh hong sem lote a kilamdan’na na mu kik ding uh hi,” a ci hi.

2 KORIN NIHNA 5:10

Bang hang hiam na cih uh leh, eite khempeuh in pumpi-ah i gamtatna ahoih ahoih lo bangin thukhenna ngah ciat dingin Khazih’ tokhom mai-ah i tung tek ding hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Late 1:5

Tua ahih ciangin migilote in thukhenna nang zo lo ding a, mimawhte in midikte’ pawl sungah kihel thei lo ding hi;

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

ROM (Romans) 2:12

Thukham thei lo-a khialte in Thukham loin a sia ding uh hi. Thukham thei napi-in mawhna ahihte in Thukham bangin thukhenna a thuak ding uh hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Late 78:52

Tua ciangin amah in tuu bangin ama mite paikhiatpih a, gam lakah ganhon bangin amaute lam lak hi.

1 SAMUEL MASA 2:10

Topa’ langte tamkham ding a, amah in amaute do-in vantungah van gingsak ding hi. Topa in lei mong dongah thukhen ding hi; amah in ama kumpipa tungah thahatna pia ding a, a sathau nilhpa’ vangliatna sangsak ding hi,” a ci hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.