Mattiu 25:29 - Tedim Bible

²⁹ Bang hang hiam na cih uh leh, a neite khempeuh kipiak beh ding a, a hau ding hi. A nei lote kiang pan a neihsa nangawn kilakhia ding hi.

Tedim Bible Revision 2017

²⁹ Bang hang hiam cih leh a nei sate kipia thuah dinga, hau semsem ding hi. Ahi zongin a nei lote tung panin a neihsa sunsun nangawn kilaksak ding hi.

Mattiu 25:29 Referans Kwoze

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

Luka 8:18

Tua ahih ciangin note in bangci na zak uh hiam, na kikeem un. Bang hang hiam na cih uh leh, a neite kipiak beh ding hi. A nei lote kiang pan a neihsa a upmawh nangawn kilakhia ding hi,” ci-in thu a hilh hi.

Marka 4:25

Bang hang hiam na cih uh leh, a neite a kipiak beh ding hi. A nei lote kiang pan a neihsa nangawn a kilakhia ding hi,” a ci hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

Mangmuhna 2:5

Tua ahih ciangin nang in bangci omna pan na kiam zawh thu na phawk kik khit ciangin na kisikkik in la, a cil-a na gamtat ngei na gamta kik in. Tua bang na hih kei leh, na kiangah ka hong pai ding a, na kisikkik kei leh, na meivakna a omna pan ka khin ding hi.

Johan 11:48

Hih mi i koihkhong leh, mite khempeuh in amah a um ding uh a, Rom mite hong pai-in eite omna gam ahi zongin, eite pawl ahi zongin hong susia ding uh hi,” a ci uh hi.

Mattiu 21:41

‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Hosea 2:9

Tua ahih manin anlak hun ciangin ama tungah ka piak ngei an leh leenggahzute ka pia nawn kei ding a, silh dingin ka piak samul puan leh saihadial puante ka pia nawn kei ding hi.

Mattiu 25:28

Tua ahih ciangin, talen khat ama khut sung pan lakhia un la, talen nga keempa pia un.