Mattiu 25:24 - Tedim Bible

²⁴ Talen khat sangpa in zong va nai a, ‘Topa aw, nang mi haksa na hi a, na vawh lohna, na suan lohna munah na at hi; na pawi lohna munah na khopna ke’n ka theih ciangin,

Tedim Bible Revision 2017

²⁴ Tul khat a ngah pa zong hong pai-in, ‘Topa aw, nang pen na sep loh na bawl lohnapi ah na a deih, mi genhak mahmah na hihna ka hong thei hi.

Mattiu 25:24 Referans Kwoze

Luka 15:29

A ta in, ‘Hih tanvei, kum sawtpi nangma na ka sem zo hi. Nangma thukham khat beek ka khial kei hi. Ahih hangin ka lawmte tawh nopna ka bawl nadingin keelno khat zong khatvei beek nong pia ngei kei hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

ROM (Romans) 9:20

Pasian a nial mi aw, nang kua mi na hi hiam? A kibawl mi in, “Bang hangin kei hong hi ci bawl hiam?” ci-in a bawlpa kiangah a gen ding hiam?

ROM (Romans) 8:7

Bang hang hiam na cih uh leh, ci leh sa lungsim in Pasian’ Thukham mang lo tham loin a mang zo lo ahih maninah Pasian tawh a kido hi.

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

Mattiu 20:12

‘A tum nunungte in nai khat bek na a sem uh hi. Sun nilohin nakpi na sem a, nisa thuak kote tawh hong kibangsak hi,’ a ci uh hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Mattiu 18:24

A ciamtehna lai a et lai takin, talen tulsawm a ba nasempa khat a mai-ah hong paipih uh hi.

Mattiu 25:25

kong kihta a, mun dangah pai-in na talen khat lei sungah ka seel hi. Tu-in na sum na la in,’ a ci hi.

Mattiu 25:26

A topa in, ‘Gilo, mi thadah nasempa aw, keimah in ka pawi lohna munah ka khawm hi, ci-in thei na hi hiam?

Luka 19:13

Amah in a nasemte sawm sam a, sum tawi sawm a pia hi. ‘Ka hong tun’ kik matengin summet na bawl un,’ ci-in thu a pia hi.