Mattiu 25:10 - Tedim Bible

¹⁰ Amaute in namgimtui lei dingin a va pai lai takun, zipipa hong tung a; a baihsa a om nungakte tawh mopina pawi sungah a lut khawm khit uh ciangin, kong a khak uh hi.

Tedim Bible Revision 2017

¹⁰ Meitui lei dingin amaute a paikhiat kal sungin zineipa hong tung hi. A kiging sa-in a om nungakte in zineipa dawnin mopawi bawlna sungah a lut khawm pah uh hi. Tua khit ciangin kong kikhak hi.

Mattiu 25:10 Referans Kwoze

Luka 13:25

Inn neipa tho a, kongkhak a khak khit ciangin, inn pua lamah ding-in kong na kiu uh a, ‘Topa aw, kong hong hon’ in,’ na cih uh hangin topa in, ‘Note kuami na hi uh hiam ke’n kong thei kei hi,’ hong ci ding hi.

1 PETER MASA 1:13

Tua ahih ciangin lungsim kawnggak gakin om un la, khuaval zulhtat loin Zeisu Khazih a kilat ciangin note kiangah hong tung ding hehpihna thupha lamen khin takpi-in om un.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”

Mangmuhna 22:20

Hih thute teci a pang Topa in, “A man takin a manlangin ka hong pai ding hi,” ci-in thu hong pia hi. Amen. Topa Zeisu aw, hong pai ta in!

Mattiu 25:6

Zankim lai takin, ‘En un, zipipa hong pai zo hi. Dawn dingin hong paikhia un,’ ci-in a kiko ciangin;

Late 95:11

Tua ahih ciangin ka nopsakna mun-ah amaute a lut lo dingin sinso kawmin ka kiciam hi.

Piancilna 7:16

Pasian’ thupiaksa bangin nuntakna a nei khempeuh teembaw sungah a lut khit ciangin Topa in amah kong khaknelh hi.

2 TIMOTI NIHNA 4:8

Tu-a kipanin dikna lukhu, keimah ading a kikoih khol zo hi. Tua Ni ciangin thuman tawh a khenpa in tua lukhu kei hong pia ding hi. Keimah bek hong pia kei ding hi, ama kilat ding thu a lamente khempeuh zong a pia ding hi.

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Kolose 1:12

Khuavakna sungah a om misiangthote’ luahna, eite in zomin i luah theih nadingin hong bawlin, khuamialna’ vang pan eite hong hotkhiat khit ciangin, a it a Tapa’ Gam sungah hong tumsakpa Pasian hehpihna ka phat uh hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Mattiu 24:42

Bang hang hiam na cih uh leh, na Topa uh hong pai ding ni na thei kei uh hi.

Mattiu 24:43

Gutate hong pai ding hun inn neipa in theikhol leh, ama inn a suksiat loh nadingin a pang ding hi, ci-in na thei ta un.

Luka 12:35

“Note in na kawng uh gak un la, meivak vaksa-in na om un.

Mangmuhna 19:7

Lungdamin nuam ni, a min phat ni! Bang hang hiam i cih leh, Tuuno’ zipi hun a tung zo hi. A lawmnu in kiging kholsa-in a om hi.