Mattiu 24:45 - Tedim Bible

⁴⁵ “A topa in a hun a tun’ cianga a innkuanpihte annek tuidawn a hawmsak ding a koih, a diktat, a lungpil nasempa kua ahi hiam?

Tedim Bible Revision 2017

⁴⁵ “A pil a citak nasem i cih a bangcite ahi hiam? A nasep pih dangte ukin a hun manmanin amauteʼ nekzah ding ciat an a pia dingin a topa in a seh a nasem pa ahi hi.

Mattiu 24:45 Referans Kwoze

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

Mattiu 25:23

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ ci-in a gen hi.

Hebru 3:5

Moses in a nung ciangin a kigen ding nate-ah teci pang dingin nasem hi a, innpi sung khempeuh ah a diktat hi.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

1 TIMOTI MASA 1:12

Tua thu kei hong keemsak ahih ciangin tha hong dimsak i Topa Khazih Zeisu’ hehpihna ka phat hi.

Mangmuhna 2:13

“Nangmah in Satan’ tokhom omna-ah na om thu ka thei hi. Ka min len cipin, Dawimangpa’ teen’na munah note lakah thahna a thuak ka teci, ka midik pa Antipas’ khan’ lai nangawnin keima upna thu na nial kei hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Luka 19:17

A topa in, ‘Thuman nasempa aw, a pha hi: Nang thu neute tungah diktat na hih maninah khuapi sawm na uk ding hi,’ ci-in a gen hi.

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Mattiu 25:2

Tua nungak lakah nga a pil uh hi, nga pil lo uh hi.

Mattiu 7:24

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Paunak 14:35

A hoih-a gamta mite tungah kumpipa lungdam a, a gina-a gamta lote daan pia hi.

Paunak 28:20

A citak mipa in thupha tampi ngah ding a, a hau baih nuam mipa in daan tuak pelmawh ding hi.

Mattiu 24:46

A topa hong ciah ciangin tua banga a om a muh nasempa in thupha a ngah ding hi.

Paikhiatna 36:4

biakinn nasep a namkim a sem mi khempeuh amau’ nasepna ciat panun hong pai uh a,

Ruth 2:6

Tua ciangin an late a uk nasempa in dawngin, “Moab gam panin Naomi tawh a hong ciahkik Moab numei ahi hi.

Ezekiel 46:24

A mipa in, “Hihte pen, mite in biakna-in a piaksate, biakinn sung nasemte in a huanna anbuk ahi hi,” hong ci hi.