Mattiu 24:38 - Tedim Bible

³⁸ Tuiciin a tun’ ma-inah, Noah teembaw sungah a lut ni dongin mite in an ne, tui dawnin, kipi, kiteengsakin a om uh hi.

Tedim Bible Revision 2017

³⁸ Tuiciin a tun ma hunin, teembaw sungah Noah a tum ni hun ciang dong, mite in anne zune-in om uh a, mo kipi, mo kikha-in nuntak ngeina bangin om uh hi.

Mattiu 24:38 Referans Kwoze

Luka 12:45

Ahi zongin tua nasempa in, “Ka topa hong pai hak ding hi,” ci-in a lungsim sungah ngaihsun a, nasem pasalte leh nasem numeite satgawp a, anne tuidawnin, zu kham an khamin;

Piancilna 6:2

Pasian’ tapate in mite’ tanute hoih hi, ci-in mu uh hi; amaute in a deih bangun tuate zi-in la uh hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Luka 12:19

Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Mattiu 22:30

Thawhkik ni ciangin kipina, kiteen’na om lo ding hi. Amaute in vantungmite tawh kibang ding uh hi.

Piancilna 7:7

Tuiciin pelh dingin Noah, a tapate, a zi leh a tapate’ zite teembaw sungah pai uh hi.

Piancilna 7:23

Mihing, ganhing, a bokvakte leh huih lak vasate, lei maitang tunga om nuntakna a nei peuhmah amah in phiatkhia hi; leitung panin amaute kiphiatkhia hi. Noah leh amah tawh teembaw sunga a om teng bek suakta hi.