Mattiu 24:37 - Tedim Bible

³⁷ Noah khan’ lai bangin Mihing Tapa hong kum ciangin hong piang ding hi.

Tedim Bible Revision 2017

³⁷ Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Mattiu 24:37 Referans Kwoze

2 PETER NIHNA 3:6

tua thu tawh tua lai takin a om leitung, tui tawh tumin a kisiatna thu ahi zongin tua mite in a ciamteh nuam kei uh hi.

2 PETER NIHNA 2:5

Tang lai leitung zong pammaihsa loin, dikna thu a hilh Noah leh mi sagihte keem a, Pasian bia lote leitungah tuicin a tumsak hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Mattiu 24:39

Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Piancilna 6:8

Ahih hangin Noah in Topa’ maipha mu hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 24:27

Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:30

Tua lai takin van panin Mihing Tapa’ lim a kilang ding hi. Leitung minam khempeuh a kap ding uh a; vangliatna leh minthan’na tawh, Mihing Tapa in meii tungah tuanga hong kumsuk a mu ding uh hi.