Mattiu 24:35 - Tedim Bible

³⁵ Van leh lei a mangthang ding hi; ka thu ahih leh a mangthang ngei kei ding hi.”

Tedim Bible Revision 2017

³⁵ Vanlelei a maimang zongin ka thugente maimang ngei lo ding hi.

Mattiu 24:35 Referans Kwoze

Isaiah 40:8

Lopa vul a, paak pulh hi; ahih hangin i Pasian’ thu kho tawntung ding hi.

1 PETER MASA 1:25

Pasian’ thu ahih leh, a kip tawntung ding hi.” Tua thu in note kiangah hong kihilh Lungdamna Thu ahi hi.

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Isaiah 55:11

keima kam panin a paikhia ka thu zong tua mah bang ding hi; a hawmpi-in kei kiangah hong tungkik lo ding a, keima ngimna-sa bangin tangtung sakin, amah ka sawlna thu tangtun’ ding hi.

Mattiu 5:18

Aman takpi kong cih-inah, van leh lei a mangthang zongin thu khempeuh a kicin’ matengin Pasian’ Thukham a neupen nangawn kisia ngei lo ding hi.

Paunak 30:5

Pasian in a thugen khempeuh a manna laktel a, amah a belte khempeuh tungah kidalna lum ahi hi.

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Isaiah 54:10

Bang hang hiam cih leh mual liante kihemin, mual neute a kikhin zongin nang kiang panin ka itna kip paikhia ngei lo ding a, na nopsakna ding keima thuciamna kiin lo ding hi, nang hong hehpih Topa in ci hi.

Late 89:34

Ka thuciamna siasak loin, ka muk pan-a paikhia thute ka khel kei ding hi.

Late 102:26

Amaute sia ding a, ahih hangin nang na kip hi; amaute pen puan bangin paatkhia ding hi. Nangmah in amaute pen puan bangin na kheek a, amaute maimang uh hi;

Late 19:7

Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Mangmuhna 6:14

Van in laidal zial bangin kizial mang hi. Mualte leh tuikulhte khempeuh in a omna uh pan a kinkhia uh hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

Isaiah 34:4

Vantung-a om khempeuh maimang ding a, laidal bangin vantungte kizial ding hi. Leenggui panin a tehte pulh-in, theikung panin a tehte a pulh bangin aksi hon khempeuh pulh ding hi.

Late 119:89

Topa aw, vantungah nangma thu kip tawntung hi.

Marka 13:31

Van leh lei a mangthang ding uh hi; ahi zongin ka thu a mangthang kei ding hi.”

Luka 21:33

Van leh lei a mangthang ding hi; ka thu ahih leh, a mangthang ngei kei ding hi.”

Daniel 4:28

Hi thu teng khempeuh Nebukhadnezzar kumpipa tungah a hong tung hi.