Mattiu 24:27 - Tedim Bible

²⁷ Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Tedim Bible Revision 2017

²⁷ Bang hang hiam cih leh Mihing Tapa hong pai ciangin khuaphialep in van mong khat panin mong khat dong a taanzaihsak mah bangin kithei kim ding hi.

Mattiu 24:27 Referans Kwoze

2 PETER NIHNA 3:4

“Topa hong paikik ding cih thuciamna in koi-ah a om hiam? I pute i pate a si khin zo uh hi; ahi zongin na khempeuh a pian’sak cila kipan a pian’ ngei bangin a om lai hi,” ci-in kosiatna tawh a hong pai ding uh hi.

Jeim 5:8

Tua mah bangin note in zong thuakin ngak un. Na lungsim uh na kipsak un. Bang hang hiam na cih uh leh, Topa hong pai ding a nai zo hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

Zekhariah 9:14

Ama mite tungah Topa kilang ding a, a thaltang lot khuaphia bang ding hi. Topa Pasian in peengkul tum ding a, leitaw lam pan-a hong nung huihpi tawh va kuankhia ding hi.

Mattiu 24:39

Tuiciin a tun’ ciangin mi khempeuh a suksiat mateng, bangmah ngaihsun loin a om uh bangin, Mihing Tapa hong pai ciangin a om ding hi.

Mattiu 24:37

Noah khan’ lai bangin Mihing Tapa hong kum ciangin hong piang ding hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.

JOB (Job) 37:3

Amah in van-ah khua phiasak a, leimong khat pan mongkhat dong taan’ hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

JOB (Job) 38:35

Khua phia in, ci-in thu pia lecin, ‘Nong sawl bangin ta ning,’ hong ci ding ahi hiam?

Ezekiel 1:14

Tua ganhingte zong khuaphia mah bangin kin zalzal kawikawi uh hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 24:26

Tua ahih ciangin, amaute in, ‘Khazih gam lakah a om hi,’ hong cih uh hangin pai kei un. ‘Inndei sungah a om hi,’ hong cih uh hangin um kei un.

Mattiu 24:44

Tua ahih ciangin note in zong kigingkhol un. Bang hang hiam na cih uh leh, na ngaihsut loh lai takun Mihing Tapa hong tung ding hi.”