Mattiu 23:35 - Tedim Bible

³⁵ Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Tedim Bible Revision 2017

³⁵ Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Mattiu 23:35 Referans Kwoze

Zekhariah 1:1

Persia gam uk Kumpipa Darias in a uk a kum nihna kum, a kha giatna sungin, Topa in kamsang Zekhariah tungah thu gen hi. (Zekhariah in Berekhiah’ tapa hi a, ama pu in Iddo ahi hi.)

Hebru 11:4

Abel in Kain’ biakna sangin a hoihzaw biakna, upna tawh Pasian a bia hi. Tua ahih ciangin dik hi ci-in teci pan’na a ngah hi. Bang hang hiam na cih uh leh, ama piaknate Pasian in a sang hi. Tua ahih ciangin Abel in a si napi-in a upna hangin thu a hilh lai hi.

Piancilna 4:8

Kain in a sanggampa Abel kiangah, “Gamlakah vak ni,” ci hi. Amaute gamlakah a om ciangun Kain in a sanggampa Abel gal bawlin that hi.

Mangmuhna 18:24

Kamsangte leh misiangthote’ sisan leh leitungah thahna a thuak mi khempeuh’ sisan tua khua-ah kimu zo hi,” a ci hi.

Jeremiah 26:15

Kei nong thah uh leh bel, mawhnei lo mi khat na thah manun note mahmah-a kipan hih khuapi leh a sunga teengte in na thuak ding uh hi, cih thei ta un. Bang hang hiam cih leh na bil mahmah a, na zak dingun hih thute a gen dingin Topa’ hong sawl taktak ka hi hi,” a ci hi.

2 KUMPI NIHNATE 21:16

Tua tham loin amaute in Topa’ muhna ah a sia a gamtat nadingun amah in Judah mite a khialhsakna banah, Jerusalem mong khat pan mong khat sisan tawh a kidimsak dongin Manasseh in mawhbaang lo mi tampi that hi.

Luka 11:51

Ahi hi. Ke’n kong cih-inah, tua si tu lai khang mite tungah a kisiik ding hi.

Jeremiah 26:23

amau in zong Izipt gam panin Uriah manin Jehoiakim kumpipa’ kiangah a puak uh hi. Amah in tua pa namsau tawh that-in a luanghawm mi mawkmawkte’ kivuina munah a paai hi.

Isaiah 26:21

Bang hang hiam cih leh en un, amau’ mawhna hangin leitung a, teeng mite daan pia dingin ama omna panin Topa hong paikhia a, leitung in ama tunga a luang sisante laakkhia ding a, a kithat ama mite sincip nawn lo ding hi.

Jeremiah 2:34

Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Gamlak-vakna 35:33

Na ten’na leitang uh na ninsak kei ding uh hi; bang hang hiam cih leh mi thahna in leitang ninsak a, a that mipa a kithah kei buang leh, tua mi kithahna leitang sian’sak nading thu dang om thei lo hi.

Isaiah 14:21

Amaute khangto-in leitung a neih loh nading leh leitung maitang teng khuapi tawh a kidimsak loh nadingin amau’ pate’ mawhna hangin ama tate’ kithah nading vaihawm in.”

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

Sawltak 5:28

siampi ukpa in, “Tua min tawh thu na hilh loh nadingun kote in pha takpi-in kong kham uh hangin, Jerusalem khua note’ thuhilhna tawh na dimsak zo uh a, kote tungah hihpa’ si hong tun’ nading note in na hanciam uh hi,” ci-in a gen hi.