Mattiu 23:24 - Tedim Bible

²⁴ Thuhilh mittawte aw, note in thovai om loh nadingin tui na khaih uh hangin, saipi na valh uh hi.”

Tedim Bible Revision 2017

²⁴ A makai ding hi napi-in, mittaw bangin bangmah tum loteng thupi ngaihsutin, a thupi teng na nusia kha uh a, tui tawh na dawn khop khak loh nadingun thovai khaih napi-in kalaoh a nawmvalh kha tawh na kibang uh hi.

Mattiu 23:24 Referans Kwoze

Mattiu 19:24

Khatvei kong cih kikinah, sai khat in phim bil vangah a khumhak sangin, sumhau mite in Pasian’ Gam sungah lut nading a haksa zaw hi,” ci-in a nungzuite kiangah a gen hi.

Mattiu 23:16

“Lamhilh mittawte aw, note in gimna na thuak ding uh hi. Bang hang hiam na cih uh leh, ‘Biakna innpi tawh thu kiciam peuhmah in, a ciamna a pelh leh phamawh lo hi. Biakna innpi’ kham tawh a kiciam peuhmah in, leiba a nei hi,’ na ci uh hi.

Mattiu 7:4

Na mit sungah singluang om napi-in na u na nau kiangah, ‘Na mit sungah a om ninneng tang hong paaikhiasak in,’ bang hangin ci na hi hiam?

Johan 18:40

Amaute in, “Hih mi khah ding ka deih kei uh hi; Barabbas na khah ding ka deih uh hi,” ci-in nakpi-in kiko kikin a ngen uh hi. Barabbas in misuampa ahi hi.

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Mangmuhna 12:16

Lei in numei huh a, gulpi in a kam sungpan a suahsak gunpi pen a kam ka-in a valh hi.