Mattiu 23:2 - Tedim Bible

² “Farisaite leh laitheite in Moses’ tokhom tungah a tu uh hi.

Tedim Bible Revision 2017

² “Thukham hilh siate le Farisi mite, Mosesʼ aana a nei-in thugente ahih manun,

Mattiu 23:2 Referans Kwoze

Luka 20:46

“Laitheite na kikeem un. Amaute in puantual silhin a vak nuam uh hi. Sumbukah zahtakna tawh hopih ahi zongin, pawikhamna sungah tutna phabel ahi zongin a deih uh hi.

Marka 12:38

Zeisu in thu a hilh lai takin, “Laitheite na kikeem un. Amaute in puantual silhin a vak nuam uh hi.

Malakhi 2:7

Siampite’ nasep in Pasian a man-a theih nading a hilh ding uh ahi hi. Amaute pen Vanglianpen Topa’ kamtaite ahih manin, mite in keima deihna a theih nadingun amaute tungah thu a dot ding uh ahi hi.

Ezra 7:25

“Tua hi a, nang Ezra in nang tungah hong kipia na Pasian’ pilna tawh kizui-in Eufrates Gungal gam sunga mite thu a khen dingin na Pasian’ thukham a thei mite seh in; nang leh amaute in na Pasian’ thukham a thei lote na hilh ding uh hi.

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Mattiu 23:3

Tua ahih ciangin, amau thukham khempeuh na zui un la, na tang un. Ahih hangin a gamtat uh bangin na ta kei un. Bang hang hiam na cih uh leh, amaute in a hilh bangun a gamta kei uh hi.