Biblia Todo Logo
Bib sou entènèt

- Piblisite -




Mattiu 22:43 - Tedim Bible

43 Zeisu in, “Tua ahih leh, David in Kha Siangtho tawh, ‘Topa hi,’ bangci-a ci thei ahi hiam?” a ci hi.

Gade chapit la Kopi

Tedim Bible Revision 2017

43 Tua ciangin Jesu in amaute kiangah, “Tua ahihleh bang hangin David mahmah in Pasianʼ Khaʼ sawlna tawh,

Gade chapit la Kopi




Mattiu 22:43
10 Referans Kwoze  

“Topa’ Kha in kei tung tawnin thu hong gen a, ka kam sungah ama thugente om hi.


thakhatin Kha Siangtho sungah ka om a, vantungah kikoih tokhom khat ahi zongin, tua tokhom tungah tu-a a om mi khat ahi zongin ka mu hi.


Topa’ ni-in Kha Siangtho sungah ka om lai takin ka nung lam pan peengkul aw bangin nakpi gingin,


Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.


Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.


“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.


David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.


Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.


Swiv nou:

Piblisite


Piblisite