Mattiu 21:41 - Tedim Bible

⁴¹ ‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.

Tedim Bible Revision 2017

⁴¹ Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Mattiu 21:41 Referans Kwoze

Sawltak 18:6

Judah mite in thu nial uh a, a selpho uh ciangin Paul in langpanna tawh ama puan singkhia-in, “Note’ si uh note lu tungah om ta hen! Keimah ka siang hi. Tu-a kipanin Gentailte kiangah ka pai ding hi,” a cih khit ciangin

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Sawltak 28:28

Tua ahih ciangin Pasian in hong piak hih gupna thu Gentailte kiangah kipuak ding a,

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Sawltak 28:8

Publias’ pa in nattun leh gilsan vei-in a lum hi. Tua cinapa kiangah Paul in lut a, thu a nget khit ciangin a tungah a khut nga-in, cinatna a damsak hi.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Zekhariah 13:8

Leitung khempeuh ah, seh thum suah seh nih si ding a, seh khat bek suakta lai ding hi.

Zekhariah 12:12

Gam sung khempeuh ah a innkuan kuanin dahin kap ding uh hi. David’ suan-le-khakte sung panin a innkuan kuanin kapin, a zite uh zong a tuam mahin kap ding uh hi. Nathan’ suan-le-khakte zong a innkuan kuanin kapin, a zite uh zong a tuam mahin kap ding uh hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Late 2:9

Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

Isaiah 65:15

Keima teel mite in ciamsiatna-in na min uh zang ding uh a, Topa Pasian in note hong that ding hi; ahih hangin ama nasemte pen min dang phuah ding hi.

Mattiu 21:34

A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Mattiu 21:40

Tua ahih ciangin, lo neipa a tun’ ciangin, lo khawh lawhte tungah bangci a bawl ding hiam?’ a ci hi.

Luka 20:16

Amah hong pai-in tua lokhawh lawhte sugawpin, a leenggah lo midangte a cingsak ding hi,” a ci hi. Amaute in hih thu a zak uh ciangin, “Tua bang hi kei hen!” a ci uh hi.