Mattiu 21:40 - Tedim Bible

⁴⁰ Tua ahih ciangin, lo neipa a tun’ ciangin, lo khawh lawhte tungah bangci a bawl ding hiam?’ a ci hi.

Tedim Bible Revision 2017

⁴⁰ Tua ahih ciangin leenggah lo nei pa hong pai ciangin a lo khawhlawhte bangci bawl ding ahi hiam?” ci-in a dong hi.

Mattiu 21:40 Referans Kwoze

Hebru 10:29

Tua bang tham loin, Pasian’ Tapa, a khe tawh sik a, amah a siangthosak thuciamna si a siangtho lo ci-in ngaihsun a, thupha a pia Kha Siangtho a simmawh mi in bang zah a lianzaw daantatna a thuak ding na um uh hiam?

Marka 12:9

Tua ahih ciangin lo neipa in bangci a bawl ding hiam? Amah hong pai-in, lo khawhlawhte sugawp a, leenggah lo midangte a cingsak hi.

Isaiah 5:3

Tu-in, Jerusalem khua-a teengte leh Judah mite aw, kei leh ka leenggui lo kikal-ah thu nong khen nading uh kong thuum hi.

Mattiu 21:34

A gah hun a tun’ dektak ciangin, a gah ngah dingin lo neipa in a nasemte, lo khawh lawhte kiangah a sawl hi.

Mattiu 21:39

Lo neipa’ tapa a mat khit uh ciangin leenggah lo nawlah paikhiatpihin a that uh hi.

Mattiu 21:41

‘Tua migilote sugawp ding a, a gah a tun’ ciangin a gah a pia ding lo kho dangte a khawh lawhsak ding hi,” ci-in a gen uh hi.