Mattiu 21:37 - Tedim Bible

³⁷ A nunung pen ciangin lo neipa in, ‘Tua mite in ka tapa a zahtak ding uh hi,’ ci-in a tapa a sawl hi.

Tedim Bible Revision 2017

³⁷ Tua khit ciangin ka tapa paisak leng na zahtak ding uh hi, ci-in ngaihsun ahih manin a tapa a paisak hi.

Mattiu 21:37 Referans Kwoze

Zefaniah 3:7

Tua ahih manin ka mite in kei hong zahtakin, amau ka thuhilhnate mangngilh lo ding hi, ci-in ka ngaihsun hi. Ahi zongin a gamtatsiat ngei bangin gamta lai veve uh hi,” ci hi.

Johan 3:16

“Pasian in a Tapa a um mi khempeuhte in kisia lo a, nuntak tawntungna a ngah nadingin a Tapa khat bek a piak dongin leitung mite a it hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Luka 20:13

Tua ciangin lo neipa in, ‘Bang ka ci hih ding hiam? Ka it mahmah ka tapa ka sawl ding hi. Amaute in ka tapa a zahtak kha ding uh hi,’ a ci hi.

Marka 12:6

Lo neipa in a it mahmah tapa sawltak khat bek a neih, ‘Tua mite in ka tapa a zahtak ding uh hi,’ ci-in a nunung penin a sawl hi.

Mattiu 3:17

“Hih pa in ka lung hong damsak ka it ka Tapa ahi hi,” ci-in vantung panin aw khat a ging hi.

Isaiah 5:4

Ka leenggui lo’ adingin ka hih nai loh ka hih ding a kilawm bang om lai ahi hiam? Leenggah hoih gah ding ka lamet lai takin bang hangin gam leenggah hong gah mawk ahi hiam?

Johan 1:18

Pasian kuamah in a mu ngei kei hi. Pa’ ang sungah a om Tapa khat bek in Pasian hong kilangsak hi.

Jeremiah 36:3

Judah mite in amau tunga tun’sak dinga ka ngaihsut siatna khempeuh za-in mi khempeuh in a siatna lampi-uh panin kiheina-in a nei kha thei ding uh a, keimah in zong amau’ khialhna leh amau’ mawhnate ka maisak kha thei ding hi,” a ci hi.

Mattiu 21:36

Khatvei a masa sang a tam zaw nasemte a sawl kik ciangin, lo khawh lawhte in amasa bangin ahih zel uh hi.

Mattiu 21:38

Ahih hangin, lo khawh lawhte in a tapa a muh uh ciangin, ‘Hihpa in a inn luah dingpa ahi hi. Hong pai un, amah thatin a sum luah ding teng eite in tang ni,’ ci-in khat leh khat a kikum uh hi.