Mattiu 21:3 - Tedim Bible

³ Mi khatpeuh in na kiang uhah thu khat peuhmah hong gen leh, ‘Topa in a deih hi,’ ci le-uh teh amau in thakhatin hong khah ding uh hi,” ci-in a vaikhak hi.

Tedim Bible Revision 2017

³ Mi khatpeuh in hong paupih leh, ‘Topa in deih hi,’ ci le-uhcin hong paisak pah ding hi,” ci-in a vaikhak hi.

Mattiu 21:3 Referans Kwoze

Sawltak 17:25

Amah in hin’na tawh, naksuk naktoh akipan na khempeuh hong pia ahih ciangin na khat peuhmah a deih bangin, mite’ khut tawh kivaak ahi kei hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Johan 3:35

Pasian in a Tapa it a, na khempeuh ama khut sungah a pia zo hi.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Late 24:1

Leitang leh a tunga omte, leitung leh a tunga teengte in Topa aa hi;

Ezra 7:27

Tua ciangin Ezra in, “Jerusalem a, om Topa’ inn tua bangin a minthangsak thuah dingin kumpipa lungsim ah suak sak a, kumpipa leh a thulamlakte leh a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

Ezra 1:5

Tua ciangin Judah leh Benjamin sunga innkuan lutangte, leh siampite leh Levi mite, Jerusalem khua-a a om Topa’ inn lamkik dingin a lungsim sung uhah Pasian in a suahsak mite khempeuh kithawi uh hi;

2 KORIN NIHNA 8:16

Note ading huhna hahkatna ka hanciamna bang uh Titu’ lungsim sungah a guang Pasian in phatna ngah ta hen.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

1 KUMPI MASATE 17:9

“Ding in la, Sidon mite’ khua Zarefath ah pai-in tua lai-ah om in. En in, tua lai-ah nangmah hong vaak dingin meigongnu khat thu ka pia zo hi,” a ci hi.

1 SAMUEL MASA 10:26

Saul zong Gibeah-a ama inn-ah ciah a, Pasian in amau’ lungsim a lawn’sak mi thahatte zong amah tawh pai hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Mattiu 21:2

“Na mai-uh ah a om khua-ah pai un. Tua khua-ah khau khihsa a om, la nuta thakhatin na mu ding uh hi. La khau sut un la, ka kiangah hong paipih ta un.

Mattiu 21:4

Tua bang hihna in, Pasian in a kamsangpa tungah a genkholhsa bang a tun’ nading ahi hi. A genna in: