Mattiu 21:15 - Tedim Bible

¹⁵ Nalamdangte a bawl leh, naupangnote in, “David’ Tapa tungah Hosanna!” ci-in biakna innpi sungah kiko uh siampi liante leh laitheite in a zak uh ciangin, a heh uh hi.

Tedim Bible Revision 2017

¹⁵ Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “Davidʼ suan Jesu in phatna ngah tahen!” ci-in a kikona a zak uh ciangin heh uh ahih manin

Mattiu 21:15 Referans Kwoze

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Johan 12:19

Tua ahih ciangin Farisaite in, “En un, bangmah na zo kei uh hi. Leitung mite khempeuh in ama nung a zui khin ta uh hi,” ci-in khat leh khat a kici uh hi.

Johan 11:57

Siampi liante leh Farisaite in Zeisu’ omna mun a thei a om leh, amaute in a mat theih nadingun hong hilh ta hen, ci-in tua lai takin lai a hawm uh hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Johan 4:1

Zeisu in Johan sangin nungzui tamzaw a suahsakna leh a baptaiz thu, Farisaite in thei cih Topa in a theih ciangin,

Luka 22:66

Khua a vak ciangin mite lakah upate, siampi liante leh laitheite kikhawm uh a, Zeisu amau zumah a paipih uh hi.

Luka 22:2

Siampi liante leh laitheite in Zeisu bangci thatlum ding ci-in a zong uh hi. Bang hang hiam i cih leh, amaute in mite a kihta uh hi.

Luka 20:1

Ni khat Zeisu in biakna innpi sungah mite thu hilh a, Lungdamna Thu a gen lai takin, siampi liante, laitheite leh upate ama kiangah a pai uh hi.

Marka 11:18

Siampi liante leh laitheite in a zak uh ciangin, Zeisu thah nading thu a zong uh hi. Bang hang hiam i cih leh, mihonpite khempeuh in Zeisu’ thuhilhna lamdangsa mahmah uh ahih ciangin, amaute in amah a kihta uh hi.

Mattiu 27:20

Barabbas ngen a, Zeisu a siatsak nadingun siampi liante leh upate in mihonpi a hansuah uh hi.

Mattiu 27:1

A zingsang ciangin siampi liante leh upate khempeuh in Zeisu thah dingin a vaihawm uh a;

Mattiu 26:59

Siampi liante leh upate in Zeisu thah nadingin thuzuau teci a zong uh hi.

Mattiu 26:3

Tua lai takin siampi liante leh upate in Kaiafas kici, siampi ukpa’ inn tualah kikhawm uh a,

Mattiu 22:42

Kua ta hi na ci uh hiam?” ci-in a dot ciangin, “David’ Tapa hi,” a ci uh hi.

Mattiu 21:23

Zeisu biakna innpi-ah lut a, thu a hilh lai takin siampi liante leh upate a kiangah pai uh a, “Hih nate bang thuneihna tawh bawl na hi hiam? Hih thu kua in hong pia ahi hiam?” ci-in a dot uh ciangin,

Mattiu 9:27

Zeisu tua mun panin a paikhiat ciangin, mittaw nih in a nung zui uh a, “David’ Tapa aw, ko hong hehpih in,” ci-in a kiko uh hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Mattiu 20:24

A nungzui sawmte in a zak uh ciangin, tua unaute gel tungah a heh uh hi.