Mattiu 20:25 - Tedim Bible

²⁵ Zeisu in a nungzuite sam a, “Gentailte a hausate in amau tungah a mang uh a, miliante in amaute a uk uh note in na thei uh hi.

Tedim Bible Revision 2017

²⁵ Ahi zongin Jesu in amaute sam a, “Mi a uk Gentail-te in mite tungah aana nei uh a, mi a makai Gentail-te in thuneihna tawh a ukna thu na thei uh hi.

Mattiu 20:25 Referans Kwoze

Marka 10:42

Zeisu in amaute sam a, “Gentailte tungah uk ding a kilawmte in a mang uh a, miliante in thu neihna tawh a uk uh note in na thei uh hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Daniel 5:19

Amah lian lua mahmah ahih manin gam khempeuh, nam khempeuh, pau khempeuhte in kihta in a liing uh hi. Mi khatpeuh a thah nop leh that a, a nuntak sak nop leh a nungta sak hi. A ut leh mi khatpeuh pahtawi-in, a ut leh a daisak thei hi.

Daniel 3:15

Tua ahih ciangin tu in peengkulte, tamngaite, laiza lasakna gingte, harp lasakna gingte, gawsem leh tum theih dang gingte na zak khitphet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong honkhia zo ding pasian peuhmah omin na um uh hiam?” a ci hi.

Mattiu 20:24

A nungzui sawmte in a zak uh ciangin, tua unaute gel tungah a heh uh hi.

1 PETER MASA 5:3

atuam atuam na uk uh pawlpite, aana tawh hi loin, tuu honte maiah na pumpi uh limpha suakin, Pasian’ deihna bangin na cing un.