Mattiu 20:23 - Tedim Bible

²³ Zeisu in, “Ka dawn ding hai na dawn takpi ding uh hi. Ahih hangin, ka taklam leh veilam ah tut nading, ke’n thu ka hong pia thei kei hi. Ka Pa in ngah dinga a bawlsate in a ngah ding uh hi,” a ci hi.

Tedim Bible Revision 2017

²³ Jesu in amaute kiangah, “Keima thuak mah bangin note in na thuak takpi ding uh a, ahi zongin ka taklam le ka veilam a tut ding pen keiʼ hong piak theih hi lo hi. Ka Pa in a seh sa mite ading bek ahi hi,” a ci hi.

Mattiu 20:23 Referans Kwoze

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

Sawltak 12:2

Johan’ sanggampa Jeim namsau tawh a that hi.

Marka 10:40

Ahih hangin ka taklam leh ka veilamah tut nading ke’n thu kong pia thei kei ding hi. A ngah dinga a bawlsate in a ngah ding uh hi,” a ci hi.

Mattiu 25:34

Tua ciangin a ziatlamah a omte kiangah Kumpipa in, ‘Ka Pa kiangah hehpihna ngahte aw, leitung pian’cil akipan, note ading a kibawlkholsa Gamah hong pai un la hong luah un.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

ROM (Romans) 8:17

Tate i hih leh, gamhluahte i hi hi. Khazih tawh kibangin vangliatna ngah nadingin amah tawh gimna thuak khawm leng, amah tawh gamluah khawm ding i hi hi.

Hebru 11:16

Ahih hangin amaute in vantung gam ahi, tua sangin a phazaw gam a deih uh hi. Tua ahih ciangin Pasian in amau Pasian a kicihna maizum loin, amau om nading khuapi a bawlkhol hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

2 KORIN NIHNA 1:7

Note ading ka lametna uh a kip hi. Bang hang hiam na cih uh leh, note in gimna na hong thuak khawmpih uh mah bangin hehnepna zong nong ngah khawmpih ding uh hi ci-in ka thei uh hi.

Mattiu 13:11

Zeisu in, “Note in Vantung Gam thu theih hakte na theih nadingun thu hong pia hi. Amaute ahih uh leh, a theih nadingun thu kipia lo hi.

Mattiu 20:24

A nungzui sawmte in a zak uh ciangin, tua unaute gel tungah a heh uh hi.