Mattiu 20:21 - Tedim Bible

²¹ Zeisu in, “Bang deih na hi uh hiam?” ci-in a dot ciangin, “Topa na Gam sungah ka tapate, na taklam khat, na veilam khat a tut theih nadingun thu hong pia in,” ci-in a ngen uh hi.

Tedim Bible Revision 2017

²¹ Jesu in tua nupi kiangah, “Bang deih na hi hiam?” ci-in a dot ciangin amah in, “Kumpi-in na om ciangin hih ka tate khat na tak lamah, khat na veilamah a tut nadingin thu pia lecin ka ut hi,” a ci hi.

Mattiu 20:21 Referans Kwoze

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Esther 5:3

Tua ciangin kumpipa in ama kiangah, “Kumpinu Esther aw, bang thu ahi hiam? Kei tungah nong nget peuhpeuh, ka kumpi gam phel khat ciang dong, nang tungah hong kipia ding hi,” a ci hi.

Mattiu 18:1

Tua lai takin a nungzuite in Zeisu kiangah va nai uh a, “Vantung Gam sungah kua a lian bel ding hiam?” ci-in a dong uh hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Sawltak 1:6

Amaute a kikhop lai takun, “Topa aw, tu lai takin Israel mipawlte in amau gam na ki-uksak kik ding hiam?” ci-in a dong uh hi.

Marka 6:22

Tua lai takin Herodias’ tanu lutin a laam ciangin, Herod akipan amah tawh an a nekhawmte a nuam uh hi. Herod in, “Na deih peuhpeuh hong ngen in kong pia ding hi,” ci-in numeino thu a pia hi.

Mattiu 20:32

Zeisu ding-in mittawte sam a, “Note ading bang kong bawl ding deih na hi uh hiam?” ci-in a dot ciangin,

1 KUMPI MASATE 3:5

Gibeon ah zanin a mang sungah Solomon tungah Topa kilang hi; Pasian in, “Nang kong piak ding hong ngen in,” a ci hi.

Kolose 3:1

Tua ahih ciangin note in Khazih tawh thokik khawm na hih uh leh, Pasian’ ziat lamah a tu Khazih’ omna mun, tung lamah a om nate na zong un.

ROM (Romans) 12:10

Ute naute itna panin, khat leh khat dawmin na ki-it ta un. Minphatna panin midangte na pumpi uh sangin na phat zaw un.

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Luka 22:24

Amaute lakah kua lianbel hiam? ci-in nungzuite khat leh khat a kiseel uh hi.

Luka 19:11

Tua thu a zak lai takun Jerusalem khuapi tawh kinai tung ta a, Pasian’ Gam a manlangin hong tung ding hi ci-in mite in a up man-unah, thugentehna khat Zeisu in a hilh hi.

Luka 18:41

Mittawpa in a kiang a naih ciangin, “Nang ading bang ka bawl ding deih na hi hiam?” ci-in Zeisu in a dot ciangin, “Topa aw, ka mittang khua muh nading ka deih hi,” a ci hi.

Marka 10:51

Zeisu in, “Nang ading bang kong bawl ding deih na hi hiam?” ci-in a dot ciangin, “Topa aw, ka mittang’ khua muh nading ka deih hi,” a ci hi.

Jeremiah 45:5

Tua panin nang a peng thei tuam dingin kingaihsun na hi hiam? Tua bangin kingaihsun kei in; bang hang hiam cih leh, en in, Topa in kong cih-inah, mi khempeuh’ tungah gimna ka tung sak ding hi. Ahih hangin nang pen na paina mun khempeuh ah kong suakta sak liailiai ding hi,” a ci hi.

Late 45:9

kumpite tanute, numei uliante lakah om a, na taklam ah Ofir gam khamte tawh kizemin kumpinu a ding hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

1 KUMPI MASATE 2:19

Tua ahih ciangin Adonijah taangin ama tungah thu gen dingin Kumpi Solomon kiangah Bathsheba va pai hi. Tua ciangin tua nu dawn dingin kumpipa dingin tua nu mai-ah kun hi; tua ciangin ama tokhom tungah tu-in kumpipa’ nu’ adingin tutna khat lasak hi; tua nu ama tak lamah tu hi.

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Mattiu 20:22

Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.