Mattiu 20:12 - Tedim Bible

¹² ‘A tum nunungte in nai khat bek na a sem uh hi. Sun nilohin nakpi na sem a, nisa thuak kote tawh hong kibangsak hi,’ a ci uh hi.

Tedim Bible Revision 2017

¹² ‘A nunungte in nai khat sung bek sem napi-in, sun thapai-in nisa thuakin na a sem kote tawh na kikimsak hi,’ a ci uh hi.

Mattiu 20:12 Referans Kwoze

Luka 12:55

Khanglam pan huih hong nung na muh uh ciangin, ‘Ni hong sa ding hi,’ na ci uh hi. Na cih uh mah bangin ahi thei hi.

Jeim 1:11

Ni in a satna tawh hong suah ciangin lopa kung in keugaw a, a paak a vul thei a, a kilawmna a meelte zong a mangthang thei hi. Tua mah bangin sumhau mi in ama nate-ah vulin a mangthang ding hi.

Efesa 3:6

Tua thuthuk in: Gentailte in Lungdamna Thu hangin Judah mite tawh a luah khawm mi, pumpi khat’nate suak khawmin Khazih Zeisu tawh kipawl thuciamna a zomkhawm mi a suak uh hi.

1 KORIN MASA 4:11

Tu hun dongin gil kialin, dangtakin, puansilh nei loin, satna leh bawlsiatna thuakin ka om uh hi. Inn zong ka nei kei uh hi.

ROM (Romans) 3:30

Tua Pasian in upna bangin vun atte leh vun at lote a dik a sa ding hi.

ROM (Romans) 3:27

Tua ahih ciangin kisaktheih nading koi-ah a om hiam na cih uh leh, a kipaaikhia zo hi. Bang thu tawh kipaai hiam? Gamtatna tawh kipaaikhia ahi hiam? Hi lo hi! Thu-upna tawh kipaaikhia hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

Malakhi 1:13

Note in, ‘Hihte cimtak khin hang,’ ci-in nap nong nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Mattiu 20:11

Amaute in a ngah khit uh ciangin, inn teekpa a gensia uh hi.