Mattiu 2:18 - Tedim Bible

¹⁸ A genna in: “Ramah gamah nakpi kahna kiza hi. Rachel in ama tate ading a kap hi. A tate om lo ahih ciangin kinem zo lo hi,” a ci hi.

Tedim Bible Revision 2017

¹⁸ “Nakpi tak a kahna awging Ramah gam sungah kiza hi. Rachel in a tate kah a, a tate khempeuh si khin ahih manin a kah a tawp nadingin kikhem zo lo hi,” ci-in a genna thu a tun nading ahi hi.

Mattiu 2:18 Referans Kwoze

Jeremiah 31:15

Topa in hong cih-inah: “Ramah khua ah aw khat kiza a, tauna leh kah ngutngutna aw ahi hi. Rachel in a tate adingin a kap hi. A tate om nawn lo ahih manin kinem zo lo hi.”

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahna kahna thu leh thuumna tauna thute vive a kigelh ka mu hi.

Piancilna 37:30

a sanggamte' kiangah ciahkik-in, “Tangvalpa om lo hi; kei bangci ding ka hi hiam?” ci hi.

Mangmuhna 8:13

Tua lai takin ka et ciangin muvanlai khat in van kim lai-ah leengin, “A om lai vantungmi thumte tum ding peengkulte’ awte hangin leitungah a om mite tungah gimna, gimna, gimna a om ding hi!” ci-in nakpi-a kiko ka za hi.

JOB (Job) 14:10

Ahi zongin, mi si a, amah maimang pah hi; amah a beina tungta a, koi-ah om nawn ahi hiam?

Piancilna 42:36

A pa uh Jakob in amaute' kiangah, “Ka tate tawh kei nong kikhensak zo uh hi: Josef om nawn lo, Simeon om nawn lo, tu-in note in Benjamin na la ding uh hi; hihte khempeuh kei tungah hong tung khin hi,” ci hi.

Mattiu 2:17

Pasian’ kamsangpa Jeremiah in a gensa bangin tua lai takin a tung hi.

Luka 8:52

Mi khempeuh in numeino hangin nakpi-in a kap uh a, thuumin a om uh hi. Zeisu in, “Kap kei un.