Mattiu 2:14 - Tedim Bible

¹⁴ Tua ciangin Josef tho a, naupang leh a nu zankimpi-in samkhia a, Izipt gamah a taipih hi.

Tedim Bible Revision 2017

¹⁴ Josef zong kithawi pah a, Egypt gam a zuan dingin naungek le a nu tawh zanpi mahin ding khia uh a,

Mattiu 2:14 Referans Kwoze

Sawltak 26:21

Tua thu hangin Judah mite in biakna innpi sungah kei hong man uh a, hong thah nading uh a hahkat uh hi.

Mattiu 1:24

Josef in a ihmutna pan a khan’lawh ciangin Pasian’ vantungmi in a thu hilh bangin mangin a lawmnu a ten’pih hi.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Mattiu 2:15

Herod kumpipa a sih matengin tua gamah a va om hi. Tua bang va omna in Pasian in a kamsangpa tungah, “Ka tapa Izipt gam panin ka sam zo hi,” ci-a a genkholhsa thu a tun’ nading hi.

Luka 8:24

Zeisu kiangah pai uh a, “Topa, Topa aw, kote ka si dek tak uh hi,” ci-in a phong uh hi. Zeisu tho a, huihpi leh tui kilok a taai khit ciangin khawlin, a dai hi.