Mattiu 2:11 - Tedim Bible

¹¹ inn sungah a lut uh leh, naupang leh a nu Mari a muh uh ciangin a bia uh hi. Amau van a suah khit uh ciangin kham leh paknamtui leh mirrah a pia uh hi.

Tedim Bible Revision 2017

¹¹ Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a van puakte uh suah khia uh a, kham, saledi paknamtui le myrrh paknamtuite, letsongin a pia uh hi.

Mattiu 2:11 Referans Kwoze

Isaiah 60:6

Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Luka 2:16

Manlangin pai uh a, Mari, Josef leh bawng an nekna kuang sungah kisial a, om naungeek a mu uh hi.

Mattiu 2:2

Ni suahna gam lam pan ama aksi ka mu zo uh hi. A bia dinginah ka hong pai uh hi,” ci-in a dong uh hi.

Late 95:6

Hong pai un, bia-in kun ni, eite hong Bawl Topa mai-ah khukdin’ ni!

Late 72:15

Amah khan’sau hen la, Sheba gam-a khamte ama tungah kipia ta hen! Ama adingin thu kingetsak tawntung hen la, sun thapai-in ama adingin thupha kingetsak ta hen!

1 KUMPI MASATE 10:2

Amah nungzui honpi, a namtui nate a pua kalaohte, leh kham tampi, leh suang manpha tampi tawh Jerusalem ah hong pai hi; Solomon kiangah a tun’ ciangin amah in a lungsim a, om khempeuh Solomon tungah gen hi.

Gamlak-vakna 7:14

shekel sawm a gik kham pakan khat paknamtui a dim tawh;

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Mattiu 14:33

Gunkuang sungah a omte in, “Pasian’ Tapa na hi takpi hi,” ci-in bokin a bia uh hi.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Luka 2:38

Amah tua lai takin tunga Pasian hehpihna phatin, Jerusalem khuapi suahtak nading a lamen mi khempeuhte kiangah tua naungeek thu teng a gen hi.

1 SAMUEL MASA 10:27

Ahih hangin bangmah man lo mi pawlkhat in, “Hih mipa in eite bang hong ci hotkhiat zawh ding ahi hiam?” a ci uh hi. Amaute in amah simmawhin ama kiangah letsong puak lo uh hi. Ahih hangin amah in tua mite bangmah cih lo hi.

Gamlak-vakna 7:86

paknamtui tawh a kidim kham pakan sawm-le-nihte in biakinn shekel tawh kizui-in khat ciangin shekel sawm gik a, kham khempeuh in shekel za leh sawmnih gik hi;

Siampi Laibu 6:15

Siampipa in, an tawh biakna tungah a om an tawh biakna annel khut dim khat, a sathau leh a paknamtui khempeuh tawh la-in, Topa’ adingin a gim namtui, phawkna-in biakna tau tungah hal ding hi.

Paikhiatna 30:34

Topa in Moses' kiangah, “A namtui nate, stakte, onikh leh galbanum, paknamtui citak tawh a namtui nate (a tamna a kikim ciatin) la in la,

Piancilna 43:11

Tua ciangin a pa uh Israel in amaute' kiangah, “A tuaci bang ding a hih leh hih bangin gamta un: gamsunga singgah limci pente na ip sung uhah pua un la, mipa' tungah letsong-in lingsi tawm, khuaizu tawm, singnai, mor paknamtui, pistakhio gah leh almond gahte puaksuk un.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Late 45:8

na puantualpi mirrah paknamtui, alo paknamtui leh thalsing namtuite a nam hi. Saiha tawh kibawl innpite panin khausai lasaknate in nang hong lungdamsak-in,

1 KUMPI MASATE 10:10

Tua ciangin amah in kumpipa tungah kham talen za leh sawmnih, leh a namtui nate tampi tak, leh suang manphate pia hi; Sheba kumpinu in Kumpi Solomon tungah a piak hih banga a tam a namtui nate hong pai ngei nawn lo hi.

Paikhiatna 30:23

“A hoih pen a namtui nate la in: mirrah paknamtui shekel za nga leh a namtui thaksing tua zah lang, shekel zanih leh sawmnga gik, leh a khum a namtui paknamtui zanih leh sawmnga,

Solomon la 3:6

Mirrah paknamtui leh saledi paknamtui kihel tawh a kibang, sumbuk-a paknamtui om khempeuh, a kihal khin a khu tawh a kibang, gamlak a, hong khu to henhan bang ahi hiam?

Mattiu 1:18

Zeisu Khazih’ suahna thu in hih bang ahi hi. A nu Mari in Josef tawh kingai a, a kiten’ ma-in Kha Siangtho in a gaisak hi.

Mattiu 2:10

Mipilte in tua aksi a muh uh ciangin nuam mahmah uh a,

Mattiu 12:46

Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Johan 19:39

Nidanga zan lai taka Zeisu kiangah a pai Nikodemas in pound zakhat a khai mirrah leh aloes kihel paknamtui a paipih hi.