Mattiu 2:1 - Tedim Bible

¹ Judah gam Herod Kumpipa a man’ lai takin, Bethlehem khua-ah Zeisu a suah khit ciangin mipilte in ni suahna gam lam panin Jerusalem khuapi-ah tung uh a, tu lai taka suak Judah kumpipa koi lai takah om hiam?

Tedim Bible Revision 2017

¹ Herod in Judea gamah kumpi a sep hun laitakin tua gam sung Bethlehem khua ah Jesu a suak hi. A suah khit phetin aksi thu lamsang a siam mi pawl khat, nisuahna lam panin Jerusalem ah hong tung uh a,

Mattiu 2:1 Referans Kwoze

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Mattiu 2:5

Amaute in, “Pasian’ kamsangpa khat in:

Mattiu 1:25

Ahih hangin a ta a suah matengin a luppih kei hi. Tua a tapa a min Zeisu a phuak hi.

Luka 2:15

Vantungmite in vantungah a ciah khit uh ciangin tuucingte in, “Eite Bethlehem khua-ah pai-in, Pasian hong lah hih a piangsa thu va en ni,” ci-in khat leh khat a kihopih uh hi.

Luka 1:5

Judah gam Herod kumpipa a man’ lai-in Abijah pawlte lakah Zekhariah a min nei siampi khat a om hi. Tuapa’ zi in Aaron suan hi a, a min Elisabeth ahi hi.

1 KUMPI MASATE 4:30

Solomon’ pilna in nisuahna lam mi khempeuh leh Izipt pilna khempeuh khuplet hi.

Piancilna 25:6

Ahih hangin Abraham in a zi-neu tawh a tate' tungah letsong pia a, ama' nuntak lai mahin nisuahna gam lamah ama' tapa Isaak kiang panin amaute sawlkhia hi.

Mattiu 2:19

Herod kumpipa a sih khit ciangin Izipt gamah Josef’ mang sungah Pasian’ vantungmi khat kilang kik a,

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Piancilna 10:30

Amau’ ten’na gamsung in Mesha panin kipanin Sefar lamah nisuahna gam mual tung dong ban hi.

JOB (Job) 1:3

Amah in tuu tulsagih, kalaoh tulthum, bawngtal kap zanga, leh la a pi zanga, leh nasem tampi tak nei hi; tua ahih manin nisuahna gam sungah Job in a haupen khat ahi hi.

Piancilna 41:8

Tua ahih ciangin zingsangin a lungkham hi; amah in mi sawlin Izipt mitphial siamte khempeuh leh a mi pil khempeuh samsak hi; Faro in amaute kiangah a mang gen a, ahih hangin Faro tungah a khiatna a gen thei kuamah om lo hi.

Thukhente 17:7

Tu-in Judah gam Bethlehem khuami, Judah innkuan, Levi tangval khat om hi; amah tua lai-ah peem hi.

Mattiu 2:7

Herod in mipilte sam sim a, aksi kilat hun pha takpi-in dong a,

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

1 KHANG TANGTHU MASATE 2:51

Bethlehem khuapi a sat Salma, leh Bethgader khuapi a sat Haref ahi uh hi.