Mattiu 19:24 - Tedim Bible

²⁴ Khatvei kong cih kikinah, sai khat in phim bil vangah a khumhak sangin, sumhau mite in Pasian’ Gam sungah lut nading a haksa zaw hi,” ci-in a nungzuite kiangah a gen hi.

Tedim Bible Revision 2017

²⁴ A dang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baih zaw lai hi,” a ci hi.

Mattiu 19:24 Referans Kwoze

Johan 5:44

Khat leh khat kipiak minthan’na na ngah uh a, Pasian khat bek’ piak theih minthan’na a zong lo note in bangci up theih ding na hi uh hiam?

Luka 18:25

Sai khat phim vangah a khumhak sangin sumhau mite in Pasian’ Gam sungah lut nading a haksa zaw hi,” a ci hi.

Mattiu 19:26

Zeisu in amaute enin, “Hih thu mite in ahih zo kei uh hi. Ahih hangin Pasian in na khempeuh ahih thei hi,” a ci hi.

Jeremiah 13:23

Ethiopia mivomte in a vun uh a khek thei uh hiam? Kamkei in a gial a khek thei hiam? A khek theih uh leh siatna bawl ding a zongsang khin note in zong hoihna na bawl thei ding uh hi.

Mattiu 23:24

Thuhilh mittawte aw, note in thovai om loh nadingin tui na khaih uh hangin, saipi na valh uh hi.”

Mattiu 19:25

A nungzuite in tua thu a zak uh ciangin, lamdang mahmah a sa uh hi. “Tua bang ahih leh, kua in gupna ngah zo ding hiam?” a ci uh hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.