Mattiu 19:23 - Tedim Bible

²³ Zeisu in, “Ke’n aman takpi kong cih-inah, sumhaute in Vantung Gam sung lut nading a haksa mahmah hi.

Tedim Bible Revision 2017

²³ Tua ciangin Jesu in a nungzuite kiangah, “A mantak a kong genin ah: Mihau khat pen vantung ki-ukna sungah a lut ding haksa mahmah ding hi.

Mattiu 19:23 Referans Kwoze

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Marka 10:23

Zeisu in a kimkot en a, “Sum tam a neite adingin Pasian Gam sung lut nading a haksa mahmah hi,” ci-in a nungzuite kiangah a gen hi.

Luka 18:24

Zeisu in tua pa a et lai takin, “Sum tam neite adingin Pasian’ Gam sung lut nading a haksa mahmah hi.

1 KORIN MASA 1:26

Ute naute aw, note hong sapna thu na ngaihsun un. A hong sap mite lakah leitung pilna a nei mi tampi a om kei uh hi; minthan’na a nei tampi a om kei uh hi; a nam liante tampi a om kei uh hi.

Johan 3:3

Zeisu in, “Ke’n aman takpi kong cih-inah, mi khatpeuh mah in khatvei a suahkik kei leh, Pasian’ Gam a mu thei kei ding hi,” a ci hi.

Paunak 11:28

Tuk lai-a singteh tam bangin midikte’ hauhna khang ding a, phabi lai-a singteh pulh bangin hauhna suangte kiam ding hi.

Jeim 2:6

Note na hih uh leh, mizawngte na thudon kei uh hi. Sum haute in note hong bawlsia uh a, thukhenna tokhom mai-ah hong kai uh hilo ahi hiam?

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Mattiu 18:3

“Ke’n aman takpi kong cih-inah na kikheel uh a, hih naupangno bang na suah kei uh leh, Vantung Gam sungah na tum zo kei ding uh hi.

Mattiu 5:20

Note’ gamtatnate in laitheite leh Farisaite’ gamtatnate sangin a phat zawk kei leh, Vantung Gamah na tung zo peuhmah kei ding uh hi.”

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 19:22

Tua tangvalpa in tua thu a zak ciangin lungkim loin a paikhia hi. Bang hang hiam i cih leh, sum tampi a nei hi.