Mattiu 19:22 - Tedim Bible

²² Tua tangvalpa in tua thu a zak ciangin lungkim loin a paikhia hi. Bang hang hiam i cih leh, sum tampi a nei hi.

Tedim Bible Revision 2017

²² Tangvalpa in hih thu a zak ciangin, amah hau mahmah ahih manin, mai khingin a paikhia hi.

Mattiu 19:22 Referans Kwoze

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Ezekiel 33:31

Tua ahih ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kam-un hoih khem napi-in, a lungsim uhah amau’ meet nading bek ngaihsun uh hi.

Mattiu 13:22

Ling lakah a kiate ahih leh, thu a zak ciangin leitung lunghihmawhna, sum leh pai khemna in depgawp uh a, a gah zo lote ahi hi.

Kolose 3:5

Tua ahih ciangin numei tawh mawhna, kihhuai gamtatna, nu leh pa kilunggulh luatna, deihgawhna, milim biakna ahi, huaihamna note sungah a om nate sisak un.

Efesa 5:5

Bang hang hiam na cih uh leh, numei tawh a khial mi ahi zongin, mi kihhuai mi ahi zongin, milim bia mi ahi huaiham mi khat beek in Khazih leh Pasian’ Gam sungah luahna a ngah kei ding hi ci-in na thei uh hi.

Marka 10:22

Tua pa in tua thu hangin a mai khing a, lungkim loin a paikhia hi. Bang hang hiam i cih leh, sum tampi a nei hi.

Mattiu 16:26

Mi khat in leitung khempeuh a ngah hangin ama nuntakna mangthang leh, bang phattuamna ngah ding ahi hiam? Mi khat in ama nuntakna bang sum tawh lei kik thei ding ahi hiam?

Luka 18:23

Hausapa in tua thu a zak ciangin, nakpi-in a lungkim kei hi. Bang hang hiam i cih leh, sum a hau hi.

Mattiu 14:9

Kumpipa a dah hangin a kiciam zawhna leh, sabuaiah a tut khawmpihte a zahtak manin, “Pia ta un,” ci a,

Marka 6:26

Kumpipa a dah mahmah hangin, a kiciam zawhna leh sabuai ah a tut khawmpihte a zahtak manin numeino a nial nuam kei hi.

Mattiu 19:21

Zeisu in, “Nang a siangtho nuam na hih leh, pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Mattiu 19:23

Zeisu in, “Ke’n aman takpi kong cih-inah, sumhaute in Vantung Gam sung lut nading a haksa mahmah hi.

Johan 16:20

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.